നാല് ജില്ലകളില് ഇന്ന് അര്ധരാത്രി മുതല് ട്രിപ്പിള് ലോക്ഡൗണ്; അതിര്ത്തികള് അടയ്ക്കും
എറണാകുളം, തൃശൂര്, മലപ്പുറം,തിരുവനന്തപുരം ജില്ലകളില് ഇന്ന് അര്ധരാത്രി മുതല് ട്രിപ്പിള് ലോക്ഡൗണ്. അടിയന്തരാവശ്യങ്ങള്ക്ക് മാത്രമായിരിക്കും യാത്രാനുമതി. ജില്ലകളുടെ അതിര്ത്തികള് അടച്ചിടും.
മരുന്നുകട, പെട്രോള്, ബാങ്ക് എന്നിവ തുറക്കും. പത്രം, പാല് എന്നിവ രാവിലെ ആറുമണിക്കു മുന്പ് വീടുകളില് എത്തിക്കണം. വീട്ടുജോലിക്കാര്, ഹോം നേഴ്സ് എന്നിവര്ക്ക് ഓണ്ലൈന് പാസ് വാങ്ങി യാത്ര ചെയ്യാം. പ്ലംബര്മാര്, ഇലക്ട്രീഷ്യന്മാര് മുതലായവര്ക്കും ഓണ്ലൈന് പാസ് വാങ്ങി അടിയന്തരഘട്ടങ്ങളില് യാത്രചെയ്യാം.
വിമാനയാത്രക്കാര്ക്കും ട്രെയിന് യാത്രക്കാര്ക്കും യാത്രാനുമതി ഉണ്ട്. ബേക്കറി, പല വ്യഞ്ജനക്കടകള് എന്നിവ ഒന്നിടവിട്ട ദിവസങ്ങളില് തുറക്കുന്നതാണ് അഭികാമ്യം. ട്രിപ്പിള് ലോക്ക്ഡൗണ് പ്രാബല്യത്തില് വരുന്ന ജില്ലകളില് ബാങ്കുകള് ചൊവ്വ, വെള്ളി ദിവസങ്ങളിലും സഹകരണബാങ്കുകള് തിങ്കള്, വ്യാഴം ദിവസങ്ങളിലും രാവിലെ പത്തുമുതല് ഉച്ചയ്ക്ക് ഒന്നുവരെ മാത്രം മിനിമം ജീവനക്കാരുമായി പ്രവര്ത്തിക്കും.
തിരിച്ചറിയല് കാര്ഡുമായി വരുന്ന അവശ്യവിഭാഗങ്ങളിലുള്ളവര്ക്കു മാത്രമേ യാത്രാനുമതി ഉണ്ടാകൂ. അകത്തേയ്ക്കും പുറത്തേയ്ക്കും യാത്രയ്ക്കായുള്ള ഒരു റോഡൊഴികെ കണ്ടെയ്ന്മെന്റ് സോണ് മുഴുവനായും അടയ്ക്കും.
വയനാട് സി.പി.എം ജില്ലാ സെക്രട്ടറിയായിരുന്ന പി ഗഗാറിനെ മാറ്റി, പകരം കെ റഫീഖിന് ചുമതല കൈമാറി 
