ദിനംപ്രതി ഉയർന്ന് കേസുകൾ, അടിയന്തര നടപടികളിൽ സർക്കാരുകൾ

ന്യൂഡൽഹി: വിവിധ സംസ്ഥാനങ്ങളിൽ ദിനംപ്രതി കൊവിഡ് രോഗികളുടെ എണ്ണം ഉയരുമ്പോൾ അടിയന്തര നടപടികളുമായി സർക്കാരുകൾ. മഹാരാഷ്ട്രയും ഉത്തർപ്രദേശും ഡൽഹിയുമാണ് ഇതിൽ തന്നെ ഏറ്റവും വലിയ ഭീഷണി നേരിടുന്നത്. മ​ഹാ​രാ​ഷ്ട്ര​യി​ലെ പ്ര​തി​ദി​ന രോ​ഗ​ബാ​ധ 68,000 പി​ന്നി​ട്ടിരിക്കുകയാണ്. ഉ​ത്ത​ർ​പ്ര​ദേ​ശി​ൽ സ്ഥി​രീ​ക​രി​ച്ച​ത് 30,000ലേ​റെ പുതിയ കേ​സു​ക​ൾ. പ്രതിദിന രോഗബാധ 25,000 കടന്ന രാജ്യതലസ്ഥാനവും പ്രതിരോധ പ്രവർത്തനങ്ങളിൽ മുഴുകിയിരിക്കുന്നു.

സ്ഥിതിഗതികൾ അതീവ ഗുരതരമെന്ന് തുറന്നു സമ്മതിക്കുന്ന ഡൽഹി മുഖ്യമന്ത്രി അരവിന്ദ് കെജരിവാൾ ചികിത്സാ സൗകര്യങ്ങൾക്ക് കേന്ദ്ര സർക്കാരിന്‍റെ സഹായം തേടി പ്രധാനമന്ത്രി നരേന്ദ്ര മോദിക്ക് കത്തയച്ചു. ഓക്സിജനും റെംഡെസിവിർ അടക്കം മരുന്നുകൾക്കും ക്ഷാമം നേരിടുന്നതായി ഡൽഹിയടക്കം സംസ്ഥാനങ്ങൾ പരാതിപ്പെടുന്നുണ്ട്. ഡൽഹിയിൽ ഓക്സിജനും റെംഡെസിവിറും വാങ്ങുന്നതും വിതരണം ചെയ്യുന്നതും നിരീക്ഷിക്കാൻ സംസ്ഥാന സർക്കാർ ഉദ്യോഗസ്ഥരെ നിയോഗിച്ചു.

മ​ധ്യ​പ്ര​ദേ​ശി​ലെ ഷാ​ഡോ​ളി​ൽ സ​ർ​ക്കാ​ർ മെ​ഡി​ക്ക​ൽ കോ​ളെ​ജി​ൽ ഓ​ക്സി​ജ​ൻ ക്ഷാ​മ​ത്തെ​ത്തു​ട​ർ​ന്ന് ആ​റു കൊ​വി​ഡ് രോ​ഗി​ക​ൾ മ​രി​ച്ച​താ​യി ആ​രോ​പ​ണം. ജി​ല്ലാ ഭ​ര​ണ​കൂ​ടം അ​തു നി​ഷേ​ധി​ക്കു​മ്പോ​ൾ ശ​രി​വ​യ്ക്കു​ന്ന​ത് അ​വി​ടു​ത്തെ ഫാ​ക്ക​ൽ​റ്റി ഡീ​ൻ. രാ​ജ്യ​ത്ത് മെ​ഡി​ക്ക​ൽ ഓ​ക്സി​ജ​ന്‍റെ അ​തി​വേ​ഗ വി​ത​ര​ണ​ത്തി​നാ​യി ഓ​ക്സി​ജ​ൻ എ​ക്സ്പ്ര​സ് ട്രെ​യ്‌​നു​ക​ൾ ഓ​ടി​ക്കു​മെ​ന്ന് റെ​യ്‌​ൽ​വേ. ഡ​ൽ​ഹി​യി​ലും മ​ഹാ​രാ​ഷ്ട്ര​യി​ലും വീ​ണ്ടും ട്രെ​യ്‌​ൻ ബോ​ഗി​ക​ളി​ൽ കൊ​വി​ഡ് ചി​കി​ത്സാ സം​വി​ധാ​നം ഒ​രു​ക്കു​ക​യാ​ണ്.

പ്ര​തി​ദി​ന രോ​ഗ​ബാ​ധ പ​തി​നാ​യി​രം പി​ന്നി​ട്ട ത​മി​ഴ്നാ​ട്ടി​ൽ രാ​ത്രി​കാ​ല ക​ർ​ഫ്യൂ​വും ഞാ​യ​റാ​ഴ്ച ലോ​ക്ഡൗ​ണും പ്ര​ഖ്യാ​പി​ച്ചു. പ​ന്ത്ര​ണ്ടാം ക്ലാ​സ് പ​രീ​ക്ഷ നീ​ട്ടി​വ​ച്ചു. രാ​ത്രി​യി​ൽ ഓ​ട്ടൊ​റി​ക്ഷ​ക​ൾ അ​ട​ക്കം ഓ​ടാ​ൻ അ​നു​വ​ദി​ക്കി​ല്ല. ബി​ഹാ​റി​ലും രാ​ത്രി ക​ർ​ഫ്യൂ പ്ര​ഖ്യാ​പി​ച്ചു. വി​ദ്യാ​ഭ്യാ​സ സ്ഥാ​പ​ന​ങ്ങ​ളും ആ​രാ​ധ​നാ​ല​യ​ങ്ങ​ളും അ​ട​ച്ചി​ടു​ന്ന​ത് മേ​യ് 15 വ​രെ നീ​ട്ടി. ക​ർ​ണാ​ട​ക​യി​ൽ ബം​ഗ​ളൂ​രു​വി​നു പി​ന്നാ​ലെ മൈ​സൂ​രു​വും ഹോ​ട്ട് സ്പോ​ട്ടാ​യി മാ​റു​ക​യാ​ണ്. സം​സ്ഥാ​ന​ത്തെ പ്ര​തി​ദി​ന രോ​ഗ​ബാ​ധ 19,000 പി​ന്നി​ട്ടു.

രാ​ജ്യ​ത്തെ ടെ​സ്റ്റ് പോ​സി​റ്റി​വി​റ്റി നി​ര​ക്ക് 12 ദി​വ​സം കൊ​ണ്ട് ഇ​ര​ട്ടി​ച്ച് 16.92 ശ​ത​മാ​ന​മാ​യെ​ന്ന് കേ​ന്ദ്ര ആ​രോ​ഗ്യ മ​ന്ത്രാ​ല​യം. മ​ഹാ​രാ​ഷ്ട്ര, ച​ത്തി​സ്ഗ​ഡ്, ഉ​ത്ത​ർ​പ്ര​ദേ​ശ്, ക​ർ​ണാ​ട​ക, കേ​ര​ളം എ​ന്നീ അ​ഞ്ചു സം​സ്ഥാ​ന​ങ്ങ​ളി​ലാ​ണ് ഇ​പ്പോ​ഴു​ള്ള രോ​ഗി​ക​ളി​ൽ 65 ശ​ത​മാ​ന​വും. ടെ​സ്റ്റ് പോ​സി​റ്റി​വി​റ്റി നി​ര​ക്ക് 30 ശ​ത​മാ​ന​ത്തി​ന് അ​ടു​ത്തെ​ത്തി​യ ഡ​ൽ​ഹി​യി​ൽ ആ​രോ​ഗ്യ സം​വി​ധാ​ന​ങ്ങ​ൾ അ​മി​ത സ​മ്മ​ർ​ദ​ത്തി​ലേ​ക്കു നീ​ങ്ങു​ന്നു. ഓ​ക്സി​ജ​ന് വ​ലി​യ ക്ഷാ​മ​മാ​ണു നേ​രി​ടു​ന്ന​ത്. ബെ​ഡ്ഡു​ക​ളും ഇ​ല്ലാ​താ​വു​ന്നു.

സം​സ്ഥാ​ന​ത്തി​ന് ഓ​ക്സി​ജ​ൻ കൂ​ടു​ത​ൽ ന​ൽ​കേ​ണ്ട​തി​നു പ​ക​രം കു​റ​യ്ക്കു​ക​യാ​ണു ചെ​യ്ത​തെ​ന്ന് കെ​ജ​രി​വാ​ൾ പരാതിപ്പെടുന്നു. മ​റ്റു സം​സ്ഥാ​ന​ങ്ങ​ൾ​ക്കു ന​ൽ​കാ​ൻ വേ​ണ്ടി​യാ​ണി​ത്. കേ​​ര​​ളം അ​ട​ക്കം സം​​സ്ഥാ​​ന​​ങ്ങ​​ളി​​ലാ​​യി 162 മെ​​ഡി​​ക്ക​​ൽ ഓ​​ക്സി​​ജ​​ൻ പ്ലാ​​ന്‍റു​​ക​​ൾ സ്ഥാ​​പി​​ക്കാ​​ൻ കേ​​ന്ദ്ര സ​​ർ​​ക്കാ​​ർ അ​​നു​​മ​​തി ന​​ൽ​​കി​യി​ട്ടു​ണ്ട്.