അന്തർ ജില്ല യാത്രയ്ക്ക് ഇളവ്; പൊതുഗതാഗതം ഉണ്ടാകില്ല

തി​രു​വ​ന​ന്ത​പു​രം: സം​സ്ഥാ​ന​ത്ത് കേ​ന്ദ്ര​സ​ർ​ക്കാ​ർ പ്ര​ഖ്യാ​പി​ച്ച പൊ​തു​വാ​യ ഇ​ള​വു​ക​ൾ ന​ട​പ്പാ​ക്കു​മെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. പൊ​തു​ഗ​താ​ഗ​തം അ​നു​വ​ദി​ക്കി​ല്ല. സ്വ​കാ​ര്യ​വാ​ഹ​ന​ങ്ങ​ളി​ല്‍ ഡ്രൈ​വ​റ​ട​ക്കം മൂ​ന്നു പേ​ര്‍​ക്കു യാ​ത്ര ചെ​യ്യാം. ഇ​രു​ച​ക്ര​വാ​ഹ​ന​ങ്ങ​ളി​ല്‍ ഒരാൾ മാത്രമേ സഞ്ചരിക്കാവൂ. വളരെ അത്യാവശ്യമായി പോകുന്ന കാര്യമാണെങ്കിൽ റെഡ് സോണിൽ ഒഴികെ ഇളവ് അനുവദിക്കും. ഹോ​ട്ട്സ്​പോട്ടു​ക​ളി​ല്‍ ഒ​ഴി​കെ പ്ര​ത്യേ​കാ​നു​മ​തി​യോ​ടെ അ​ന്ത​ര്‍​ജി​ല്ലാ യാ​ത്ര​യാ​കാം.

റെ​ഡ് സോ​ണി​ലെ ഹോ​ട്ട്സ്പോ​ട്ടു​ക​ളി​ൽ ക​ർ​ശ​ന നി​യ​ന്ത്ര​ണം. റെ​ഡ് സോ​ണി​ൽ അ​ല്ലാ​ത്ത സ്ഥ​ല​ങ്ങ​ളി​ൽ ഇ​ള​വ് ഉ​ണ്ടാകും. ഒ​രു സോ​ണി​ലും പൊ​തു​ഗ​താ​ഗ​തം ഉ​ണ്ടാ​കി​ല്ല. ആ​ളു​ക​ള്‍ കൂ​ടി​ച്ചേ​രു​ന്ന ഒ​രു പ​രി​പാ​ടി​യും അ​നു​വ​ദി​ക്കി​ല്ല. മ​ദ്യ​വി​ൽ​പ്പ​ന ശാ​ല​ക​ൾ തു​റ​ക്കി​ല്ല. തി​യെറ്റ​റു​ക​ള്‍, മാ​ളു​ക​ള്‍, ആ​രാ​ധ​നാ​ല​യ​ങ്ങ​ള്‍ തു​ട​ങ്ങി​യ​വ​യും അ​ട​ഞ്ഞു​കി​ട​ക്കും. ബാ​ര്‍​ബ​ര്‍ ഷോ​പ്പു​ക​ൾ, ബ്യൂ​ട്ടി പാ​ര്‍​ല​റു​ക​ള്‍ എ​ന്നി​വ പ്ര​വ​ര്‍​ത്തി​ക്കി​ല്ല. ബാ​ർ​ബ​ർ​മാ​ർ​ക്ക് വീ​ടു​ക​ളി​ൽ പോ​യി ജോ​ലി ചെ​യ്യാ​മെ​ന്നും മു​ഖ്യ​മ​ന്ത്രി പ​റ​ഞ്ഞു.

ഇളവുകള്‍ ഇങ്ങനെ...

* ഗ്രീന്‍ സോണുകളില്‍ കടകമ്പോളങ്ങള്‍ രാവിലെ ഏഴ് മുതല്‍ രാത്രി ഏഴരവരെ. അകലം പാലിക്കണം. ആഴ്ചയില്‍ ആറ് ദിവസം തുറക്കാം.

* ഓറഞ്ച് സോണില്‍ നിലവിലുള്ള സ്ഥിതി തുടരണം.

* ഗ്രീന്‍ സോണുകളില്‍ സേവന മേഖലകളില്‍ 50 ശതമാനം ജീവനക്കാരുടെ സേവനം ലഭ്യമാക്കും. ഓറഞ്ച് സോണില്‍ നിലവിലുള്ള സ്ഥിതി തുടരും

* ഹോട്ട് സ്പോട്ടുകള്‍ ഒഴികെയുള്ള സ്ഥലങ്ങളില്‍ ഹോട്ടലുകള്‍ക്ക് പാഴ്സലുകള്‍ നല്‍കാം. നിലവിലുള്ള സമയക്രമം പാലിക്കണം

* ഒന്നിലധികം നിലകളില്ലാത്ത ചെറുകിട തുണിക്കടകള്‍ അഞ്ചില്‍ താഴെ ജീവനക്കാരുടെ സേവനത്തോടെ തുറന്ന് പ്രവര്‍ത്തിക്കാം. ഗ്രീന്‍, ഓറഞ്ച് സോണുകളില്‍ മാത്രം

* ടാക്സി, യൂബര്‍ ക്യാബ് തുടങ്ങിയവ അനുവദിക്കും. ഡ്രൈവറും രണ്ട് യാത്രക്കാരും മാത്രം. റെഡ് സോണില്‍ പാടില്ല. 

* ചരക്ക് വാഹനങ്ങള്‍ക്ക് നിയന്ത്രണമില്ല.

* അത്യാവശ്യ കാര്യങ്ങള്‍ രാവിലെ ഏഴ് മുതല്‍ രാത്രി ഏഴര വരെ പുറത്തിറങ്ങാം. ഹോട്ട് സ്പോട്ടുകളില്‍ പ്രത്യേക നിയന്ത്രണം ഉണ്ടാകും.

* 65 വയസിന് മുകളിലും 10 വയസില്‍ താഴെ ഉള്ളവരും വീട്ടില്‍ തന്നെ തുടരണം.

* രാത്രി യാത്ര പാടില്ല

* കൃഷിയുടെയും വ്യവസായത്തിന്‍റെയും കാര്യത്തില്‍ മുന്‍ ഇളവുകള്‍ തുടരും.

* നിശ്ചിത സ്ഥലങ്ങളില്‍ പ്രഭാതസവാരി അനുവദിക്കും.

* പോസ്റ്റ് ഓഫീസുകള്‍ തുറന്ന് പ്രവര്‍ത്തിക്കും.

* മലഞ്ചരക്ക് വ്യാപാര സ്ഥാപനങ്ങള്‍ക്ക് ആഴ്ചയില്‍ രണ്ട് ദിവസം തുറക്കാം.

* ഓറഞ്ച്, ഗ്രീന്‍ സോണുകളില്‍ പ്രത്യേക അനുവാദത്തോടെ അന്തര്‍ജില്ലാ യാത്രയ്ക്ക് അനുമതി