കൗ​തു​ക​ക്കാ​ഴ്ച​യ​ല്ല, മ​ര​ടി​ന്‍റെ ക​ണ്ണീ​ര്‍ക്കാ​ഴ്ച

കേ​ര​ള ച​രി​ത്ര​ത്തി​ല്‍ ഇ​ന്നു പു​തി​യൊ​രു ഏ​ട് രേ​ഖ​പ്പെ​ടു​ത്തു​ക​യാ​ണ്. പ​രി​സ്ഥി​തി നി​യ​മ​ങ്ങ​ള്‍ ലം​ഘി​ച്ചു നി​ര്‍മി​ച്ച പാ​ര്‍പ്പി​ട സ​മു​ച്ച​യ​ങ്ങ​ള്‍, സു​പ്രീം കോ​ട​തി​യു​ടെ വി​ധി മാ​നി​ച്ച് ഇ​ന്നും നാ​ളെ​യു​മാ​യി പൊ​ളി​ച്ചു ക​ള​യു​ന്നു. കൊ​ച്ചി മു​നി​സി​പ്പ​ല്‍ കോ​ര്‍പ്പ​റേ​ഷ​ന്‍ പ​രി​ധി​ക്കു​ള്ളി​ല്‍ മ​ര​ടു ന​ഗ​ര​സ​ഭ​യി​ല്‍ നി​ര്‍മി​ച്ച ആ​ല്‍ഫ സെ​റി​ന്‍ ഇ​ര​ട്ട ഫ്ലാ​റ്റു​ക​ള്‍, ജ​യി​ന്‍ കോ​റ​ല്‍ കോ​വ്, ഹോ​ളി ഫെ​യ്ത്ത് എ​ച്ച് 2 ഒ, ​കെ.​പി. വ​ര്‍ക്കി ഗോ​ള്‍ഡ​ന്‍ കാ​യ​ലോ​രം എ​ന്നീ ഫ്ലാ​റ്റു​ക​ളാ​ണ് നി​യ​ന്ത്രി​ത സ്ഫോ​ട​ന​ത്തി​ലൂ​ടെ ത​ക​ര്‍ത്തു ക​ള​യു​ന്ന​ത്.

ഈ ​അ​ഞ്ചു ഫ്ലാ​റ്റ് സ​മു​ച്ച​യ​ങ്ങ​ളി​ലും കൂ​ടി 343 താ​മ​സ കേ​ന്ദ്ര​ങ്ങ​ളാ​ണ് ഉ​ണ്ടാ​യി​രു​ന്ന​ത്. ഓ​രോ​ന്നി​നും ഒ​രു കോ​ടി​യി​ല​ധി​കം രൂ​പ മ​തി​പ്പു വി​ല വ​രും. ചി​ല​തൊ​ക്കെ അ​ത്യാ​ഡം​ബ​ര​മാ​ക്കി ര​ണ്ടു കോ​ടി​യി​ല​ധി​കം രൂ​പ​യു​ടെ മൂ​ല്യം വ​രു​മെ​ന്നും റി​പ്പോ​ര്‍ട്ടു​ക​ളു​ണ്ട്. ഇ​തെ​ല്ലാം പ​രി​ഗ​ണി​ക്കു​മ്പോ​ള്‍ ഏ​ക​ദേ​ശം നാ​നൂ​റു കോ​ടി രൂ​പ മു​ദ്ര വി​ല വ​രു​ന്ന പാ​ര്‍പ്പി​ട സ​മു​ച്ച​യ​ങ്ങ​ളാ​ണ് ര​ണ്ടു കോ​ടി രൂ​പ ചെ​ല​വി​ല്‍ പൊ​ളി​ച്ചു​മാ​റ്റു​ന്ന​ത്. ഈ ​സ​ങ്ക​ട​ക്കാ​ഴ്ച​യ്ക്കി​ട​യി​ല്‍ വേ​മ്പ​നാ​ട് കാ​യ​ലോ​ര​ത്തു നി​ര്‍മി​ച്ചി​രി​ക്കു​ന്ന കാ​പി​കോ റി​സോ​ർ​ട്ടി​നും മ​ര​ണ വോ​റ​ണ്ട് പു​റ​പ്പെ​ടു​വി​ച്ചി​രി​ക്ക​യാ​ണു സു​പ്രീം കോ​ട​തി ഇ​ന്ന​ലെ.   

ഇ​ങ്ങ​നെ​യൊ​രു പൊ​ളി​ച്ച​ടു​ക്ക​ല്‍ ന​ട​ക്കു​മ്പോ​ള്‍, അ​തി​നു പി​ന്നി​ലെ നി​യ​മ​വ​ശ​ങ്ങ​ളെ​ക്കു​റി​ച്ചും അ​ധി​കാ​ര കേ​ന്ദ്ര​ങ്ങ​ളി​ല്‍ ന​ട​ന്ന കൊ​ടി​യ അ​ഴി​മ​തി​ക​ളെ​ക്കു​റി​ച്ചു​മൊ​ക്കെ വ​ള​രെ വി​ശ​ദ​മാ​യി​ത്ത​ന്നെ പ​രി​ശോ​ധി​ക്കേ​ണ്ട​തു​ണ്ട്. നി​യ​മ​ലം​ഘ​ന​ങ്ങ​ളെ​ക്കു​റി​ച്ചു വ്യ​ക്ത​മാ​യ തെ​ളി​വു​ക​ളു​ണ്ടെ​ങ്കി​ലും അ​തി​ലേ​ക്കു വ​ഴി​തു​റ​ക്കു​ന്ന​തി​ന് ഭ​ര​ണ യ​ന്ത്ര​ത്തി​നു സം​ഭ​വി​ക്കു​ന്ന പി​ഴ​വു​ക​ളും കാ​ണാ​തി​രു​ന്നു​കൂ​ടാ. 1986ലെ ​പ​രി​സ്ഥി​തി സം​ര​ക്ഷ​ണ നി​യ​മം സെ​ക്ഷ​ന്‍(3) പ്ര​കാ​ര​മു​ള്ള നി​യ​മ​ലം​ഘ​ന​മാ​ണു മ​ര​ടി​ല്‍ സം​ഭ​വി​ച്ച​ത്.

ഈ ​നി​യ​മ​ത്തി​ന്‍റെ പ​രി​ര​ക്ഷ​യി​ല്‍ വ​രു​ന്ന കോ​സ്റ്റ​ല്‍ റെ​ഗു​ലേ​റ്റ​റി ക്യാ​റ്റ​ഗ​റി സോ​ണ്‍ 3ല്‍ ​വ​രു​ന്ന സ്ഥ​ല​ങ്ങ​ളി​ലാ​ണ് അ​ഞ്ചു ഫ്ലാ​റ്റു​ക​ളും നി​ര്‍മി​ച്ചി​രി​ക്കു​ന്ന​ത്. ഈ ​മേ​ഖ​ല​യി​ലെ ജ​ലാ​ശ​യ​ങ്ങ​ളി​ല്‍ നി​ന്ന് 200 മീ​റ്റ​ര്‍ അ​ക​ലെ മാ​ത്ര​മേ വ​ലി​യ നി​ര്‍മി​തി​ക​ള്‍ അ​നു​വ​ദി​ക്കു​ന്നു​ള്ളൂ. എ​ന്നാ​ല്‍ പൊ​ളി​ക്കാ​ന്‍ വി​ധി​ക്ക​പ്പെ​ട്ട മു​ഴു​വ​ന്‍ ഫ്ലാ​റ്റു​ക​ളും ശ​രാ​ശ​രി അ​ന്‍പ​തു മീ​റ്റ​ര്‍ പോ​ലും ദൂ​ര​പ​രി​ധി പാ​ലി​ച്ചി​ട്ടി​ല്ല. ഇ​ത്ര​യും വ​ലി​യ നി​യ​മ​ലം​ഘ​നം ക​ണ്ടു​പി​ടി​ക്കേ​ണ്ട അ​ധി​കാ​രി​ക​ള്‍ ഉ​റ​ങ്ങു​ക​യാ​യി​രു​ന്നോ എ​ന്ന ചോ​ദ്യം ബാ​ക്കി.

അ​ധി​കൃ​ത​രി​ല്‍ നി​ന്ന് എ​ല്ലാ​വി​ധ അ​നു​മ​തി പ​ത്ര​ങ്ങ​ളും വൈ​ദ്യു​തി ക​ണ​ക്ഷ​നും കു​ടി​വെ​ള്ള ക​ണ​ക്ഷ​നും എ​ല്ലാം ല​ഭി​ച്ച ശേ​ഷം എ​ന്തി​നാ​ണു ത​ങ്ങ​ളെ നി​ഷ്ക​രു​ണം ഇ​റ​ക്കി​വി​ട്ട​തെ​ന്ന ഫ്ലാ​റ്റ് ഉ​ട​മ​ക​ളു​ടെ ചോ​ദ്യ​ത്തി​നും ഉ​ത്ത​ര​മി​ല്ലാ​യി​രു​ന്നു. കേ​ര​ള കോ​സ്റ്റ​ല്‍ സോ​ണ്‍ മാ​നെ​ജ്മെ​ന്‍റ് അ​ഥോ​റി​റ്റി​യു​ടെ ഹ​ര്‍ജി​യി​ലാ​ണു ഫ്ലാ​റ്റു​ക​ള്‍ പൊ​ളി​ക്കാ​ന്‍ സു​പ്രീം കോ​ട​തി വി​ധി​ച്ച​ത്. എ​ന്നാ​ല്‍ വി​വാ​ദ ഫ്ലാ​റ്റു​ക​ള്‍ക്ക് അ​നു​മ​തി ല​ഭി​ച്ച​പ്പോ​ള്‍ ഈ ​അ​ഥോ​റി​റ്റി നി​ല​വി​ല്‍ ഇ​ല്ലാ​യി​രു​ന്നു എ​ന്ന  നി​ര്‍മാ​താ​ക്ക​ളു​ടെ വാ​ദം ശ​രി​യ​ല്ല. 1986 മു​ത​ല്‍ ഈ ​അ​ഥോ​റി​റ്റി​ക്കു നി​യ​മ സാ​ധു​ത​യു​ണ്ട്. 2006ല്‍ ​അ​ന്ന​ത്തെ മ​ര​ട് ഗ്രാ​മ പ​ഞ്ചാ​യ​ത്ത് ആ​ണ് ഫ്ലാ​റ്റു​ക​ള്‍ നി​ര്‍മി​ക്കാ​ന്‍ അ​നു​മ​തി ന​ല്‍കി​യ​ത്.

സി​ആ​ര്‍എ​സ് 3 ക്യാ​റ്റ​ഗ​റി​യി​ല്‍പ്പെ​ട്ട സ്ഥ​ല​മാ​യി​രു​ന്നി​ല്ല അ​ന്ന് ഈ ​പ്ര​ദേ​ശ​മെ​ന്ന വാ​ദ​ത്തി​നു പ്ര​സ​ക്തി​യു​ണ്ട്. എ​ന്നാ​ല്‍, ഗ്രാ​മ പ​ഞ്ചാ​യ​ത്ത് ന​ഗ​ര​സ​ഭ​യാ​യി മാ​റി​യ​പ്പോ​ള്‍, അ​തു​വ​രെ​യു​ണ്ടാ​യി​രു​ന്ന നി​യ​മ ലം​ഘ​ന​ങ്ങ​ള്‍ക്ക് അ​നു​മ​തി തേ​ടാ​ന്‍ ത​ദ്ദേ​ശ വ​കു​പ്പി​ലെ അ​ധി​കൃ​ത​ര്‍ ത​യാ​റാ​യ​തു​മി​ല്ല. നി​യ​മ​വി​രു​ദ്ധ​മാ​യി നി​ര്‍മി​ച്ച​തെ​ന്നു തീ​ര​സം​ര​ക്ഷ​ണ മേ​ഖ​ലാ മാ​നെ​ജ്മെ​ന്‍റ് അ​ധി​കൃ​ത​ര്‍ പ​റ​യു​ന്ന ഫ്ലാ​റ്റു​ക​ള്‍ വ​ലി​യ വി​ല​യ്ക്കു വി​റ്റ​ഴി​ക്കു​ന്ന​തു വ​രെ എ​ന്തു​കൊ​ണ്ടു ക​ണ്ണ​ട​ച്ചു എ​ന്ന ചോ​ദ്യ​ത്തി​ന് ഉ​ത്ത​രം, നി​യ​മ​ങ്ങ​ള്‍ വി​ല​യ്ക്കെ​ടു​ക്കാ​മെ​ന്ന എ​ല്ലാ​വ​രു​ടെ​യും അ​തി​രു​വി​ട്ട ആ​ത്മ​വി​ശ്വാ​സ​മാ​യി​രു​ന്നു എ​ന്നു സ​മ്മ​തി​ക്കേ​ണ്ടി വ​രും.

മ​ര​ട് ഫ്ലാ​റ്റ് കേ​സി​ല്‍ ഭ​ര​ണ​പ​ക്ഷ​വും പ്ര​തി​പ​ക്ഷ​വും ഒ​രു​പോ​ലെ കൈ​കോ​ര്‍ത്ത​തും ഈ ​പ്ര​തീ​ക്ഷ​യി​ലാ​യി​രു​ന്നു. എ​ന്നാ​ല്‍, കേ​ര​ള​ത്തി​ല​ട​ക്ക​മു​ണ്ടാ​യി​ട്ടു​ള്ള പ്ര​കൃ​തി ദു​ര​ന്ത​ങ്ങ​ള്‍ ചൂ​ണ്ടി​ക്കാ​ട്ടി, സു​പ്രീം കോ​ട​തി എ​ല്ലാ എ​തി​ര്‍മു​ഖ​ങ്ങ​ളെ​യും ഖ​ണ്ഡി​ച്ചു. ഇ​നി​യാ​ണ് ഇ​തി​ലെ​ല്ലാം വ​ലി​യ ഒ​രു ചോ​ദ്യം ഉ​യ​രു​ന്ന​ത്. പ​രി​സ്ഥി​തി നി​യ​മ​ങ്ങ​ള്‍ ലം​ഘി​ച്ചു നി​ര്‍മി​ച്ച ഫ്ലാ​റ്റു​ക​ള്‍ പൊ​ളി​ക്കു​മ്പോ​ഴു​ണ്ടാ​കു​ന്ന പാ​രി​സ്ഥി​തി​ക പ്ര​ശ്ന​ങ്ങ​ള്‍ക്ക് എ​ന്താ​ണു പ്ര​തി​വി​ധി​യെ​ന്ന് ആ​രും പ​റ​യു​ന്നി​ല്ല.

ഏ​താ​ണ്ട് 6.8 ച​തു​ര​ശ്ര കി​ലോ​മീ​റ്റ​ര്‍ വി​സ്തൃ​തി വ​രു​ന്ന കൂ​റ്റ​ന്‍ കെ​ട്ടി​ട സ​മു​ച്ച​യ​ങ്ങ​ള്‍ ഇ​ടി​ച്ചു നി​ര​ത്തു​മ്പോ​ള്‍ ഉ​ണ്ടാ​കു​ന്ന 76,350 മെ​ട്രി​ക് ട​ണ്‍ മാ​ലി​ന്യ​ങ്ങ​ള്‍ എ​വി​ടെ​ക്കൊ​ണ്ടു ത​ള്ളും? നി​യ​ന്ത്രി​ത സ്ഫോ​ട​ന​ത്തി​ലൂ​ടെ പൊ​ട്ടി​പ്പൊ​ളി​ക്കു​മ്പോ​ഴു​ണ്ടാ​കു​ന്ന പ്ര​ക​മ്പ​ന​ത്തി​ല്‍ സ​മീ​പ​ത്തു​ള്ള മ​റ്റു ഫ്ലാ​റ്റു​ക​ള്‍ക്കും പാ​ല​ങ്ങ​ള്‍ക്കും മ​റ്റു നി​ര്‍മി​തി​ക​ള്‍ക്കു​മു​ണ്ടാ​കു​ന്ന ബ​ല​ക്ഷ​യം ക​ണ്ടി​ല്ലെ​ന്നു ന​ടി​ക്കാ​നാ​വു​മോ? ഇ​ത്ത​ര​ത്തി​ലു​ള്ള നാ​ശ​ന​ഷ്ട​ങ്ങ​ളു​ടെ ശ​രി​യാ​യ ക​ണ​ക്കു കി​ട്ടാ​ന്‍ കാ​ല​ങ്ങ​ള്‍ കാ​ത്തി​രി​ക്കേ​ണ്ടി വ​രും. വ​ര്‍ഷ​ങ്ങ​ള്‍ക്കു ശേ​ഷം സം​ഭ​വി​ക്കാ​വു​ന്ന ഇ​ത്ത​രം ന​ഷ്ട​ങ്ങ​ള്‍ക്ക് ആ​രു സ​മാ​ധാ​നം പ​റ​യും? 

സി​ആ​ര്‍സെ​ഡ് 3 മേ​ഖ​ല​യി​ലെ വാ​ട്ട​ര്‍ ഫ്ര​ണ്ട് കെ​ട്ടി​ട സ​മു​ച്ച​യ​ങ്ങ​ള്‍ നി​ര്‍മി​ക്കു​ന്ന​തി​നു വി​ല​ക്കേ​ര്‍പ്പെ​ടു​ത്തി​യി​രി​ക്കു​ന്ന​ത് നീ​രൊ​ഴു​ക്കു ത​ട​സ​പ്പെ​ടു​ന്ന​ത​ട​ക്ക​മു​ള്ള പ​രി​സ്ഥി​തി പ്ര​ശ്ന​ങ്ങ​ള്‍ പ​രി​ഗ​ണി​ച്ചാ​ണ്. ഇ​ങ്ങ​നെ നീ​രൊ​ഴു​ക്കു ത​ട​യു​ന്ന​തു മു​ക​ളി​ലേ​ക്കു​ള്ള നി​ര്‍മി​തി​ക​ള്‍ മാ​ത്ര​മ​ല്ല. ഭൂ​മി​ക്ക​ടി​യി​ല്‍ പൈ​ലി​ല്‍ ഉ​റ​പ്പി​ച്ചി​രി​ക്കു​ന്ന പ​ടു​കൂ​റ്റ​ന്‍ പി​ല്ല​റു​ക​ള്‍ക്കും അ​തി​ല്‍ പ​ങ്കു​ണ്ട്. ഭൂ​മി​ക്ക​ടി​യി​ലേ​ക്ക് മു​പ്പ​തു മീ​റ്റ​ര്‍ വ​രെ ആ​ഴ​ത്തി​ല്‍ പൈ​ലു​ക​ള്‍ താ​ഴ്ത്തി​യി​ട്ടു​ണ്ട് മ​ര​ടി​ല്‍. ഇ​വ​യൊ​ന്നും നീ​ക്കം ചെ​യ്യാ​ന്‍ കോ​ട​തി ഉ​ത്ത​ര​വി​ട്ടി​ല്ല.

ഈ ​അ​നാ​ഥ പൈ​ലു​ക​ള്‍ ഭൂ​മി​ക്ക​ടി​യി​ല്‍ അ​തേ​പ​ടി നി​ല​നി​ന്നാ​ല്‍ ഫ്ലാ​റ്റു​ക​ള്‍ പൊ​ളി​ച്ചു​ക​ള​യു​ന്ന​തു മൂ​ല​മു​ണ്ടാ​കു​മെ​ന്നു ക​രു​തു​ന്ന പ​രി​സ്ഥി​തി സു​ര​ക്ഷ ഉ​റ​പ്പി​ല്ല. ഭൂ​മി​ക്ക​ടി​യി​ല്‍ നി​ന്ന് ഈ ​പി​ല്ല​റു​ക​ള്‍ പി​ഴു​തെ​ടു​ത്താ​ല്‍ സ​മീ​പ പ്ര​ദേ​ശ​ത്തു​ള്ള ഒ​ട്ടു​മി​ക്ക നി​ര്‍മി​തി​ക​ളും അ​തീ​വ ഗു​രു​ത​ര​മാ​യ ബ​ല​ക്ഷ​യം നേ​രി​ടേ​ണ്ടി വ​രും. ഇ​ത്ത​രം സ​ങ്കീ​ര്‍ണ​ത​ക​ളെ​ല്ലാം ബാ​ക്കി​വ​ച്ചാ​ണു മ​ര​ടി​ലെ അ​ഞ്ചു ഫ്ലാ​റ്റു​ക​ള്‍ ഇ​ന്നു മ​ണ്ണ​ടി​യു​ന്ന​ത്.

കേ​ര​ളം മു​ഴു​വ​ന്‍ കാ​ത്തി​രി​ക്കു​ന്ന ഒ​രു കൗ​തു​ക​ക്കാ​ഴ്ച​യ​ല്ല അ​തെ​ന്ന് ഉ​റ​പ്പ്. പ​ല​രു​ടെ​യും വി​യ​ര്‍പ്പി​ല്‍ കു​രു​ത്തു​പൊ​ന്തി​യ നാ​നൂ​റു കോ​ടി രൂ​പ​യും അ​നേ​ക​രു​ടെ ജീ​വി​ത സ്വ​പ്ന​ങ്ങ​ളും ക​ഷ്ടി​ച്ച് ഒ​രു മി​നി​റ്റി​ല്‍ താ​ഴെ സ​മ​യം കൊ​ണ്ടു മ​ണ്ണ​ടി​യു​ന്ന ദു​ര​ന്ത​ക്കാ​ഴ്ച​യാ​ണ് ഇ​ന്നു മ​ര​ടി​നെ കാ​ത്തി​രി​ക്കു​ന്ന​ത്. കേ​ര​ള​ത്തി​ല്‍ ഒ​രി​ട​ത്തും ഇ​നി ആ​വ​ര്‍ത്തി​ക്കാ​തി​രി​ക്ക​ട്ടെ, ഈ ​ക​ണ്ണീ​ര്‍ക്കാ​ഴ്ച.