രാ​ഷ്ട്രീ​യം നോ​ക്കി​യ​ല്ല തീ​രു​മാ​ന​മെ​ന്ന് അ​മി​ത് ഷാ; എ​സ്പി​ജി ഭേ​ദ​ഗ​തി ബി​ൽ ലോക്സഭ പാ​സാ​ക്കി

ന്യൂ​ഡ​ൽ​ഹി: എസ്പിജി (സ്പെ​ഷ​ൽ പ്രൊ​ട്ട​ക്‌​ഷ​ൻ ഗ്രൂ​പ്പ്) ഭേ​ദ​ഗ​തി ബിൽ ലോ​ക്സ​ഭ​ പാ​സാ​ക്കി. പുതിയ ബില്‍ അനുസരിച്ച് പ്രധാനമന്ത്രി സ്ഥാനം ഒഴിഞ്ഞാല്‍ അഞ്ചു വര്‍ഷത്തിന് ശേഷം എസ്പിജി സുരക്ഷ ലഭിക്കില്ല. പ്രധാനമന്ത്രിക്കും അടുത്ത കുടുംബാംഗങ്ങള്‍ക്കും മാത്രമാണ് എസ്പിജി സുരക്ഷ നല്‍കുക. കേന്ദ്ര ആഭ്യന്തരമന്ത്രി അമിത് ഷാ ആണ് നിയമ ഭേദഗതി ലോക്‌സഭയില്‍ അവതരിപ്പിച്ചത്. അതേസമയം, നി​യ​മ​ ഭേ​ദ​ഗ​തി​യി​ല്‍ പ്ര​തി​ഷേ​ധി​ച്ച് കോ​ണ്‍​ഗ്ര​സ് എം​പി​മാ​ർ സ​ഭ​യി​ല്‍ നി​ന്നി​റ​ങ്ങി​പ്പോ​യി. 

നെ​ഹ്റു കു​ടും​ബ​ത്തി​നുള്ള എസ്പിജി സു​ര​ക്ഷ പി​ൻ​വ​ലി​ച്ച​ത് കൃ​ത്യ​മാ​യ വി​ല​യി​രു​ത്ത​ലി​ന്‍റെ അ​ടി​സ്ഥാ​ന​ത്തി​ലാണ്. ​നെ​ഹ്റു കു​ടും​ബ​ത്തി​ന്‍റെ സു​ര​ക്ഷ പി​ൻ​വ​ലി​ക്കു​ക​യ​ല്ല, പ​രി​ഷ്ക​രി​ക്കു​ക​യാ​ണ് ചെ​യ്ത​ത്. രാ​ഷ്ട്രീ​യം നോ​ക്കി​യ​ല്ല ന​രേ​ന്ദ്ര​ മോ​ദി സ​ർ​ക്കാ​രി​ന്‍റെ തീ​രു​മാ​ന​ങ്ങ​ളെ​ന്നും ലോ​ക്സ​ഭ​യി​ൽ എ​സ്പി​ജി ഭേ​ദ​ഗ​തി ബി​ല്ലി​ന്മേ​ലു​ള്ള ച​ർ​ച്ച​യി​ൽ അ​മി​ത് ഷാ വ്യക്തമാക്കി. 

മുൻ പ്രധാനമന്ത്രി ന​ര​സിം​ഹ റാ​വു​വി​ന് എ​സ്പി ജി ​സു​ര​ക്ഷ ഒ​ഴി​വാ​ക്കി​യ​പ്പോ​ൾ പ്ര​തി​ഷേ​ധ​മു​ണ്ടാ​യി​ല്ല. മ​ൻ​മോ​ഹ​ൻ സിങ്ങി​ന് എ​സ്‍​പി​ജി സു​ര​ക്ഷ ഇ​ല്ലാ​താ​യ​പ്പോ​ഴും ആ​രും ശ​ബ്ദം ഉ​യ​ർ​ത്തി​യി​ല്ല. ഒ​രു കു​ടും​ബ​ത്തി​ന് വേ​ണ്ടി മാ​ത്ര​മാ​ണ് മു​മ്പ് എ​സ്‍‍​പി​ജി നി​യ​മ​ത്തി​ൽ ഭേ​ദ​ഗ​തി വ​രു​ത്തി​യി​ട്ടു​ള്ള​തെ​ന്നു പ​റ​യാ​ൻ ത​നി​ക്ക് യാ​തൊ​രു മ​ടി​യു​മി​ല്ല. പ്ര​ധാ​ന​മ​ന്ത്രി​യു​ടെ സു​ര​ക്ഷ ക​ണ​ക്കി​ലെ​ടു​ത്താ​ണി​തെ​ന്നും അ​മി​ത് ഷാ ​പ​റ​ഞ്ഞു. 

നെ​ഹ്റു കു​ടും​ബ​ത്തി​ന്‍റെ കു​ടും​ബ​ത്തി​ന്‍റെ സു​ര​ക്ഷ​യി​ൽ സ​ർ​ക്കാ​രി​ന് ആ​ശ​ങ്ക​യി​ല്ലെ​ന്ന് വ​രു​ത്തി​തീ​ർ​ക്കാ​നു​ള്ള ശ്ര​മ​മാ​ണ് ന​ട​ക്കു​ന്ന​ത്. എസ്പിജി സുരക്ഷ എന്നാല്‍ ബാഹ്യമായ സുരക്ഷ മാത്രമാണെന്നാണ് പൊതുവെയുള്ള വിലയിരുത്തല്‍. എസ്പിജി സുരക്ഷ പ്രധാനമന്ത്രിക്കും അദ്ദേഹത്തിന്‍റെ ഓഫീസിനുമുള്ള സുരക്ഷ മാത്രമല്ല, പ്രധാനമന്ത്രിയുടെ ആരോഗ്യം, കമ്മ്യൂണിക്കേഷന്‍സ് എന്നിവയുടെ കൂടി സുരക്ഷയില്‍ ഉള്‍പ്പെട്ടിരിക്കുന്നുവെന്നും അമിത് ഷാ ചൂണ്ടിക്കാട്ടി.

എ​സ്പി​ജി​യെ അ​റി​യി​ക്കാ​തെ നെ​ഹ്റു കു​ടും​ബം അ​റുന്നൂ​റി​ലേ​റെ യാ​ത്ര​ക​ൾ ന​ട​ത്തി. സൂ​പ്പ​ർ ബൈ​ക്കു​ക​ളി​ൽ അ​മി​ത​വേ​ഗ​ത​യി​ൽ നെ​ഹ്റു കു​ടും​ബാം​ഗ​ങ്ങ​ൾ സ​ഞ്ച​രി​ച്ചു. സു​ര​ക്ഷാ ജീ​വ​ന​ക്കാ​രെ അ​വ​ര്‍ എ​ന്തു​കൊ​ണ്ട് കൂ​ടെ കൊ​ണ്ടു​പോ​കു​ന്നി​ല്ലെ​ന്നും അ​മി​ത് ഷാ ​ചോ​ദി​ച്ചു. നെ​ഹ്റു കു​ടും​ബ​ത്തി​ന്‍റെ സി​ആ​ർ​പി​എ​ഫ് സു​ര​ക്ഷ നി​ല​നി​ർ​ത്തി​യി​ട്ടു​ണ്ട്. എ​സ്പി​ജി സു​ര​ക്ഷ അ​ധി​കാ​ര അ​ട​യാ​ള​മാ​ക്കാ​ൻ ശ്ര​മം ന​ട​ക്കു​ന്നു​ണ്ടെ​ന്നും ആ​ഭ്യ​ന്ത​ര​മ​ന്ത്രി പ​റ​ഞ്ഞു.

അതേസമയം, പ്ര​ധാ​ന​മ​ന്ത്രി മോ​ദി​യു​ടെ സു​ര​ക്ഷ​യ്ക്കാ​യി സ്വീ​ക​രി​ക്കു​ന്ന എ​ല്ലാ ന​ട​പ​ടി​ക​ളെ​യും ഞ​ങ്ങ​ൾ പി​ന്തു​ണ​യ്ക്കു​ന്ന​താ​യി കോ​ൺ​ഗ്ര​സ് സഭാ നേതാവ് അ​ധി​ർ ര​ഞ്ജ​ൻ ചൗ​ധ​രി പ​റ​ഞ്ഞു. എ​ന്നാ​ൽ എ​സ്പി​ജി സു​ര​ക്ഷ പി​ൻ​വ​ലി​ച്ച​ത് രാ​ഷ്ട്രീ​യ പ​ക​പോ​ക്ക​ലാ​ണെ​ന്ന് താ​ങ്ക​ളു​ടെ (​അ​മി​ത് ഷാ) ​പ്ര​സം​ഗ​ത്തി​ലൂ​ടെ വ്യ​ക്ത​മാ​യി. രാ​ജ്യ​ത്തി​നാ​യി ര​ണ്ട് ജീ​വ​ൻ ബ​ലി​യ​ർ​പ്പി​ച്ച ഒ​രു കു​ടും​ബ​ത്തെ​യാ​ണ് നി​ങ്ങ​ൾ ല​ക്ഷ്യ​മി​ടു​ന്ന​തെ​ന്നും അദ്ദേഹം കു​റ്റ​പ്പെ​ടു​ത്തി. നി​യ​മ​ ഭേ​ദ​ഗ​തി​യി​ല്‍ പ്ര​തി​ഷേ​ധി​ച്ച് കോ​ണ്‍​ഗ്ര​സ് എം​പി​മാ​ർ സ​ഭ​യി​ല്‍ നി​ന്നി​റ​ങ്ങി​പ്പോ​യി.