രാ​ഹു​ൽ ഗാ​ന്ധി വ​യ​നാ​ട്ടി​ലെ​ത്തു​മ്പോ​ൾ

കോ​ൺ​ഗ്ര​സ് അ​ധ്യ​ക്ഷ​ൻ രാ​ഹു​ൽ ഗാ​ന്ധി അ​മേ​ഠി കൂ​ടാ​തെ വ​യ​നാ​ടും മ​ത്സ​ര വേ​ദി​യാ​യി തെ​ര​ഞ്ഞെ​ടു​ക്കു​മെ​ന്ന ആ​ദ്യ വാ​ർ​ത്ത വ​ന്ന​തു മു​ത​ൽ അ​തെ​ച്ചൊ​ല്ലി​യു​ള്ള ത​ർ​ക്ക​വി​ത​ർ​ക്ക​ങ്ങ​ൾ ന​ട​ക്കു​ക​യാ​ണ്. രാ​ഹു​ൽ പേ​ടി​ച്ചോ​ടു​ന്നു എ​ന്ന ക​ളി​യാ​ക്ക​ൽ മു​ത​ൽ ഈ ​മ​ത്സ​രം ന​ൽ​കു​ന്ന സ​ന്ദേ​ശ​മെ​ന്തെ​ന്ന ചോ​ദ്യം വ​രെ അ​തു നീ​ളു​ന്നു; ആ ​നീ​ള​വും പ​ര​പ്പും ഇ​നി കൂ​ടു​ക​യേ​യു​ള്ളൂ. ഒ​രു വ​ശ​ത്ത് കോ​ൺ​ഗ്ര​സും എ​തി​ർ​വ​ശ​ത്ത് ബി​ജെ​പി​യും ഇ​ട​തു​മു​ന്ന​ണി​യും ചേ​ർ​ന്നു​ള്ള ഈ ​ആ​ക്ര​മ​ണം പ്ര​തീ​ക്ഷി​ക്കേ​ണ്ട​തു ത​ന്നെ​യാ​ണെ​ങ്കി​ലും തെ​ര​ഞ്ഞെ​ടു​പ്പി​ൽ പാ​ലി​ക്കേ​ണ്ട സു​ജ​ന​മ​ര്യാ​ദ പോ​ലും ലം​ഘി​ച്ച് അ​തു ക​ടി​ഞ്ഞാ​ൺ വി​ട്ടു പാ​യു​ന്ന​ത് ആ​ശ​ങ്ക​യു​ണ​ർ​ത്തു​ന്ന​താ​ണ്. കേ​ര​ള​ത്തി​ൽ മ​ത്സ​രി​ക്കു​ന്ന​ത് അ​ത്ര മോ​ശം കാ​ര്യ​മാ​ണോ എ​ന്നു പോ​ലും സം​ശ​യം ജ​നി​പ്പി​ക്കും​വി​ധ​മാ​ണ് ചി​ല ആ​രോ​പ​ണ​ങ്ങ​ൾ ഉ​യ​രു​ന്ന​ത്.

ഇ​താ​ദ്യ​മാ​യാ​ണ് ഒ​രു പ്ര​ധാ​ന ദേ​ശീ​യ പാ​ർ​ട്ടി​യു​ടെ സ​മു​ന്ന​ത നേ​താ​വ് കേ​ര​ള​ത്തി​ൽ മ​ത്സ​രി​ക്കാ​ൻ തീ​രു​മാ​നി​ക്കു​ന്ന​ത്. സ്ഥാ​നാ​ർ​ഥി​യെ​ന്ന നി​ല​യി​ൽ അ​ദ്ദേ​ഹ​ത്തെ എ​തി​രി​ടാ​നും പ​രാ​ജ​യ​പ്പെ​ടു​ത്താ​നും ജ​നാ​ധി​പ​ത്യ സം​വി​ധാ​നം സ്വാ​ത​ന്ത്ര്യം ന​ൽ​കു​ന്നു. എ​ന്നാ​ൽ, അ​ത് പ്ര​തി​പ​ക്ഷ ബ​ഹു​മാ​ന​ത്തോ​ടെ നി​ർ​വ​ഹി​ക്ക​പ്പെ​ടേ​ണ്ട​താ​ണ്. എ​ന്തോ ഗ​തി​കേ​ടു​കൊ​ണ്ടു മ​ത്സ​രി​ക്കാ​നെ​ത്തു​ന്നു എ​ന്ന വി​ധം ചി​ത്രീ​ക​രി​ക്കു​ന്ന​ത് ആ​ശ​യ​പ​ര​മാ​യ പാ​പ്പ​ര​ത്ത​മാ​ണു കാ​ണി​ക്കു​ന്ന​ത്. കോ​ൺ​ഗ്ര​സി​ന്‍റെ നി​ല​പാ​ടു​ക​ളും മു​ൻ​കാ​ല ച​രി​ത്ര​വും ചൂ​ണ്ടി​ക്കാ​ട്ടി ക്രി​യാ​ത്മ​ക​മാ​യ രീ​തി​യി​ൽ എ​തി​രി​ടാ​നു​ള്ള പ്ര​ബു​ദ്ധ​ത കേ​ര​ള​ത്തി​ലെ നേ​താ​ക്ക​ൾ​ക്കു​ണ്ടെ​ന്നാ​ണ് ജ​ന​ങ്ങ​ൾ ധ​രി​ച്ചി​ട്ടു​ള്ള​ത്. അ​തു തെ​റ്റാ​യി​രു​ന്നു എ​ന്ന തോ​ന്ന​ലു​ണ്ടാ​ക്ക​രു​ത്.

മ​ത്സ​രി​ക്കാ​നാ​യി വ​യ​നാ​ട് തെ​ര​ഞ്ഞെ​ടു​ത്ത​തി​ൽ ചി​ല മാ​ന​ദ​ണ്ഡ​ങ്ങ​ൾ കോ​ൺ​ഗ്ര​സ് സ്വീ​ക​രി​ച്ചി​ട്ടു​ണ്ടാ​ക​ണം. 2009ൽ ​നി​ല​വി​ൽ വ​ന്ന മ​ണ്ഡ​ലം യു​ഡി​എ​ഫി​നു ന​ൽ​കി​വ​ന്ന പി​ന്തു​ണ,​ മൂ​ന്നു സം​സ്ഥാ​ന​ങ്ങ​ളു​മാ​യി ചേ​ർ​ന്നു​കി​ട​ക്കു​ന്നു എ​ന്ന ത​ന്ത്ര​പ​ര​മാ​യ ആ​നു​കൂ​ല്യം,​ വി​ന്ധ്യ​പ​ർ​വ​ത​ത്തി​നു തെ​ക്ക് കോ​ൺ​ഗ്ര​സി​നു​ണ്ടാ​കു​ന്ന ക്ഷീ​ണം ബി​ജെ​പി​യെ വ​ള​ർ​ത്തു​മെ​ന്ന തി​രി​ച്ച​റി​വ്,​ കോ​ൺ​ഗ്ര​സി​ന് ശ​ക്ത​മാ​യ വേ​രോ​ട്ട​മു​ള്ള സം​സ്ഥാ​ന​ത്ത് പാ​ർ​ട്ടി​യെ പു​ന​രു​ജ്ജീ​വി​പ്പി​ക്കേ​ണ്ട​തി​ന്‍റെ ആ​വ​ശ്യ​ക​ത തു​ട​ങ്ങി​യ​വ അ​തി​ൽ ചി​ല​താ​ണ്. ശ്ര​ദ്ധാ​പൂ​ർ​വ​മാ​യ പ​ഠ​നം ന​ട​ത്തി​യാ​ണ് തീ​രു​മാ​ന​ത്തി​ലെ​ത്തി​യ​ത് എ​ന്ന തോ​ന്ന​ലു​ണ്ടാ​ക്കാ​ൻ പ്ര​ഖ്യാ​പ​നം വൈ​കി​ച്ച​തി​ലൂ​ടെ സാ​ധി​ച്ചു.

രാ​ഹു​ലി​ന്‍റെ വ​ര​വോ​ടെ രാ​ഷ്ട്രീ​യ​മാ​യ ചി​ല ത​കി​ടം മ​റി​ച്ചി​ലു​ക​ളാ​ണ് സം​ഭ​വി​ച്ച​ത്. കോ​ൺ​ഗ്ര​സി​ന്‍റെ തീ​രു​മാ​നം സ്വ​ഭാ​വി​ക​മാ​യും ഇ​ട​തു​മു​ന്ന​ണി​യി​ലാ​ണ് ആ​ശ​യ​ക്കു​ഴ​പ്പ​മു​ണ്ടാ​ക്കി​യ​ത്. ഇ​തി​ലൂ​ടെ കോ​ൺ​ഗ്ര​സ് രാ​ജ്യ​ത്തി​നു ന​ൽ​കു​ന്ന സ​ന്ദേ​ശ​മെ​ന്താ​ണെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ചോ​ദി​ച്ച​ത് നി​സാ​ര​മാ​യി ത​ള്ളാ​നാ​വി​ല്ല. ബി​ജെ​പി​യു​ടെ​യും ന​രേ​ന്ദ്ര മോ​ദി​യു​ടെ​യും ഭ​ര​ണ​ത്തി​ന് അ​ന്ത്യം കു​റി​ക്കു​ക​യെ​ന്ന​ത് വ്ര​ത​മാ​യെ​ടു​ത്ത​വ​ർ പ​ര​സ്പ​രം എ​തി​രി​ട്ടാ​ൽ അ​തി​ന്‍റെ നേ​ട്ടം ബി​ജെ​പി​ക്കാ​വി​ല്ലേ​യെ​ന്നും പ്ര​തി​പ​ക്ഷം കൂ​ടു​ത​ൽ ദു​ർ​ബ​ല​പ്പെ​ടു​ക​യി​ല്ലേ​യെ​ന്നു​മാ​ണ് പി​ണ​റാ​യി ചോ​ദി​ച്ച​ത്. മു​ഖ്യ​ശ​ത്രു​വാ​യ ബി​ജെ​പി​യെ എ​തി​രി​ടാ​ൻ രാ​ഹു​ൽ ക​ർ​ണാ​ട​ക​ത്തി​ൽ നി​ൽ​ക്കു​ന്ന​ത​ല്ലേ ഉ​ചി​ത​മെ​ന്നു ചോ​ദി​ച്ച​വ​രു​മു​ണ്ട്. നി​ല​വി​ൽ ക​ർ​ണാ​ട​കം ഒ​ഴി​ച്ച് മ​റ്റൊ​രു ദ​ക്ഷി​ണേ​ന്ത്യ​ൻ സം​സ്ഥാ​ന​ത്തും ബി​ജെ​പി ശ​ക്ത​മ​ല്ല. ആ ​നി​ല​യ്​​ക്ക് കേ​ര​ളം തെ​ര​ഞ്ഞെ​ടു​ത്ത​ത് വി​ഡ്ഢി​ത്ത​മാ​യെ​ന്നു പ​റ​യു​ന്ന​തി​ലും അ​വ​ർ ന്യാ​യം കാ​ണു​ന്നു.

എ​ന്നാ​ൽ ഇ​ട​തു​പ​ക്ഷം കോ​ൺ​ഗ്ര​സി​നോ​ടോ,​ കോ​ൺ​ഗ്ര​സ് ഇ​ട​തു​പ​ക്ഷ​ത്തോ​ടോ മൃ​ദു​സ​മീ​പ​നം കാ​ണി​ച്ച ച​രി​ത്ര​മി​ല്ല. ഇ​ട​തു​പ​ക്ഷ​ത്തെ എ​തി​ർ​ക്കു​ന്ന​തി​ൽ ബി​ജെ​പി​ക്കും കോ​ൺ​ഗ്ര​സി​നു​മു​ള്ള സ​മീ​പ​ന​ത്തി​ലും കാ​ര്യ​മാ​യ വ്യ​ത്യാ​സ​മി​ല്ല. കേ​ര​ള​ത്തി​ൽ കോ​ൺ​ഗ്ര​സി​ന്‍റെ​യും യു​ഡി​എ​ഫി​ന്‍റെ​യും മു​ഖ്യ എ​തി​രാ​ളി ഇ​ട​തു​മു​ന്ന​ണി​യാ​ണ്. വ​ർ​ഷ​ങ്ങ​ളാ​യി ആ ​നി​ല​യി​ലാ​ണ് കോ​ൺ​ഗ്ര​സ്  കേ​ര​ള​ഘ​ട​ക​ത്തി​ന്‍റെ പോ​രാ​ട്ടം. ഇ​ട​തു​മു​ന്ന​ണി​യെ നേ​രി​ട്ട് എ​തി​ർ​ക്കാ​ൻ കോ​ൺ​ഗ്ര​സ് അ​ധ്യ​ക്ഷ​ൻ ത​ന്നെ വ​രു​മ്പോ​ൾ ആ ​നി​ല​പാ​ട് മാ​റ​ണ​മെ​ന്നു ശ​ഠി​ക്കു​ന്ന​തി​ൽ യു​ക്തി കു​റ​യും. അ​തി​ന് വ്യ​ക്തി​പ​ര​മാ​യ തേ​ജോ​വ​ധ​മ​ല്ല മ​റു​പ​ടി​യെ​ന്ന് ഇ​ട​തു​നേ​താ​ക്ക​ൾ ഓ​ർ​ക്കേ​ണ്ട​താ​ണ്.

തെ​ക്ക​ൻ സം​സ്ഥാ​ന​ങ്ങ​ളി​ലു​ള്ള​വ​ർ ഇ​ന്ത്യ​യു​ടെ ഭാ​ഗ​മ​ല്ലെ​ന്ന മ​ട്ടി​ലു​ള്ള പ്ര​ചാ​ര​ണം ന​ട​ത്തു​ന്ന​വ​രോ​ടും ഹാ! ​ക​ഷ്ട​മെ​ന്നേ പ​റ​യാ​നാ​കൂ. ഹി​ന്ദു​മേ​ഖ​ല​യി​ൽ നി​ന്ന് പ്ര​തി​പ​ക്ഷ നേ​താ​ക്ക​ൾ ഓ​ടി​യൊ​ളി​ക്കു​ക​യാ​ണ് എ​ന്ന പ്ര​സം​ഗം പോ​ലും തെ​ക്ക​ൻ സം​സ്ഥാ​ന​ങ്ങ​ളു​ടെ ച​രി​ത്ര​പ​ര​മാ​യ സ​വി​ശേ​ഷ​ത മ​റ​ന്നു​കൊ​ണ്ടു​ള്ള​താ​ണ്. നാ​നാ​ജാ​തി മ​ത​സ്ഥ​ർ ഇ​ട​തി​ങ്ങി​പ്പാ​ർ​ക്കു​ന്ന കേ​ര​ള​ത്തെ അ​ടു​ത്ത​റി​യാ​ൻ ഉ​ത്ത​രേ​ന്ത്യ​യി​ലെ നേ​താ​ക്ക​ൾ​ക്ക് എ​ന്നാ​ണാ​വോ സാ​ധി​ക്കു​ക. ന്യൂ​ന​പ​ക്ഷ സ​മു​ദാ​യ​ങ്ങ​ൾ​ക്ക് മേ​ൽ​ക്കൈ​യു​ള്ള സീ​റ്റ് തെ​ര​ഞ്ഞെ​ടു​ക്കു​മ്പോ​ൾ അ​തി​ൽ ദേ​ശ​വി​രു​ദ്ധ​ത ആ​രോ​പി​ക്കു​ന്ന​തും കേ​ര​ള​ത്തോ​ടു​ള്ള അ​വ​ഹേ​ള​ന​മാ​യേ കാ​ണാ​നാ​കൂ. മു​സ്​​ലിം സ​മു​ദാ​യ​ത്തി​ലു​ള്ള​വ​രെ​ല്ലാം മു​സ്​​ലിം ലീ​ഗ് അ​നു​ഭാ​വി​ക​ളാ​ണെ​ന്ന മ​ട്ടി​ലു​ള്ള പ്ര​ചാ​ര​ണം ദേ​ശീ​യ പ്ര​സ്ഥാ​ന​ത്തി​നു വേ​ണ്ടി ത്യാ​ഗ​മ​നു​ഷ്ഠി​ച്ച മു​സ്​​ലിം സ​മു​ദാ​യ​ത്തി​ൽ​പ്പെ​ട്ട നേ​താ​ക്ക​ളോ​ടു​ള്ള അ​വ​ഗ​ണ​ന​യു​മാ​ണ്. വ​യ​നാ​ട്ടി​ലെ മ​ത്സ​ര​ത്തെ രാ​ഷ്ട്രീ​യ മ​ര്യാ​ദ​ക​ളോ​ടെ​യു​ള്ള പോ​രാ​ട്ട​മാ​യി കാ​ണാ​നാ​ണ് കേ​ര​ള ജ​ന​ത ആ​ഗ്ര​ഹി​ക്കു​ന്ന​തെ​ന്നെ​ങ്കി​ലും ഈ ​നേ​താ​ക്ക​ൾ അ​റി​യ​ണം.