പാവങ്ങള്‍ പാര്‍ട്ടിയെ കൈവിട്ടു; സിപിഐഎം പ്രവര്‍ത്തന റിപ്പോര്‍ട്ടിലെ കൂടുതല്‍ വിവരങ്ങള്‍ പുറത്ത്

തൃശൂര്‍: സിപിഐഎം സമ്മേളനത്തിലെ പ്രവര്‍ത്തന റിപ്പോര്‍ട്ടിലെ കൂടുതല്‍ വിവരങ്ങള്‍ പുറത്തുവന്നു. പാവങ്ങള്‍ പാര്‍ട്ടിയെ കൈവിട്ടുവെന്ന് പ്രവര്‍ത്തന റിപ്പോര്‍ട്ടില്‍ ചൂണ്ടിക്കാട്ടുന്നു.  സ്ഥാനമാനങ്ങള്‍ കൈക്കലാക്കുകയെന്ന ബൂര്‍ഷ്വാ ശൈലി കടന്നു വരുന്നു. പാര്‍ട്ടി തീരുമാനം അനുകൂലമല്ലെങ്കില്‍ പാര്‍ട്ടിയെത്തന്നെ വെല്ലുവിളിക്കുന്നു.

പാ​ർ​ട്ടി​യു​ടെ സ്വ​ത​ന്ത്ര സ്വാ​ധീ​ന​ശ​ക്തി വ​ർ​ധി​ക്കു​ന്നി​ല്ലെ​ന്നും എ​ൽ​ഡി​എ​ഫി​ൽ സി​പി​ഐഎം ക​ഴി​ഞ്ഞാ​ൽ സം​സ്ഥാ​ന​മാ​കെ സ്വാ​ധീ​നം സി​പി​ഐ​ക്കാ​ണെ​ന്നും റി​പ്പോ​ർ​ട്ടി​ൽ പ​റ​യു​ന്നു.

സി​പി​ഐ​ക്കും സം​സ്ഥാ​ന പൊ​ലീ​സി​നു​മെ​തി​രെയും പ്ര​വ​ർ​ത്ത​ന റി​പ്പോ​ർ​ട്ടില്‍ രൂക്ഷ വിമര്‍ശനമുണ്ടെന്ന് കഴിഞ്ഞ ദിവസം വാര്‍ത്ത പുറത്തുവന്നിരുന്നു. തോമസ് ചാണ്ടി വിഷയത്തില്‍ സിപിഐ മന്ത്രിമാര്‍ മന്ത്രിസഭായോഗം ബഹിഷ്‌കരിച്ചത് തെറ്റാണെന്ന് റിപ്പോര്‍ട്ട് പറയുന്നു. സിപിഐയുടെ നിലപാട് മുന്നണിയിലും സര്‍ക്കാരിലും ഭിന്നതയുണ്ടെന്ന പ്രതീതി ഉണ്ടാക്കുന്നുവെന്നും റിപ്പോർട്ട് പരാമർശിക്കുന്നു.

14 ജി​ല്ലാ സ​മ്മേ​ള​ന​ങ്ങ​ളി​ലും സി​പി​ഐ​ക്കെ​തിരെ വി​മ​ർ​ശ​ന​ങ്ങ​ളു​യ​ർ​ന്ന​തി​ന്‍റെ തു​ട​ർ​ച്ച​യാ​യാ​ണ് ഈ ​പ​രാ​മ​ർ​ശ​ങ്ങ​ളും ഉ​ൾ​പ്പെ​ടു​ന്ന​ത്. സം​സ്ഥാ​ന സെ​ക്ര​ട്ട​റി അ​വ​ത​രി​പ്പി​ച്ച പ്ര​വ​ർ​ത്ത​ന റി​പ്പോ​ർ​ട്ടി​ൽ വെ​ള്ളി​യാ​ഴ്ച ഗ്രൂ​പ്പ് ച​ർ​ച്ച ന​ട​ക്കും.സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണന്‍ സംസ്ഥാന സമ്മേളനത്തില്‍ അവതരിപ്പിച്ച റിപ്പോര്‍ട്ടിലാണ് പരാമര്‍ശം.

സംസ്ഥാന പൊലീസിനെയും റിപ്പോര്‍ട്ട് രൂക്ഷമായി വിമര്‍ശിച്ചു. പൊലീസിന് ജനകീയ മുഖം നഷ്ടപ്പെട്ടോ എന്ന് പരിശോധിക്കണം. പൊലീസ് ഭരണത്തില്‍ ജാഗ്രത വേണമെന്ന് സിപിഐഎം സംഘടനാ റിപ്പോര്‍ട്ട്. പൊലീസില്‍ വിവിധ രാഷ്ട്രീയ താല്‍പ്പര്യങ്ങള്‍ ഉള്ളവര്‍ ഉണ്ടെന്ന് സിപിഐഎം മുന്നറിയിപ്പ് നല്‍കുന്നുണ്ട്. ഇവരുടെ ഇടപെടലുകളാണ് സര്‍ക്കാരിന് മോശം പ്രതിച്ഛായ ഉണ്ടാക്കുന്നതെന്നും റിപ്പോര്‍ട്ട് കുറ്റപ്പെടുത്തുന്നു.

ഭ​ര​ണം മാ​റി​യി​ട്ടും പൊലീസിനെ മാറ്റാനായില്ല.  മു​ൻ സര്‍ക്കാരിന്റെ തു​ട​ർ​ച്ച മാ​ത്ര​മാ​ണ് ഇ​പ്പോ​ഴും പൊലീസ്. പൊലീസിന് പൂ​ർ​ണ​സ്വാ​ത​ന്ത്ര്യം ന​ൽ​കി​യ​തി​ന്റെ ഗു​ണ​ഫ​ല​ങ്ങ​ൾ സ​ർ​ക്കാ​രി​നു ല​ഭി​ച്ചി​ല്ലെന്നും റിപ്പോർട്ടില്‍ പരാമർശമുണ്ട്.

മു​ഖ്യ​മ​ന്ത്രി പി​ണ​റാ​യി വി​ജ​യ​ന്റെ നി​യ​ന്ത്ര​ണ​ത്തി​ലു​ള്ള പൊ​ലീ​സ് വ​കു​പ്പി​നെ​തി​രെ ബ്രാ​ഞ്ച് സ​മ്മേ​ള​ന​ങ്ങ​ൾ മു​ത​ൽ രൂ​ക്ഷ​മാ​യ വി​മ​ർ​ശ​ന​ങ്ങ​ളു​യ​രു​ന്നു​ണ്ട്. സിപിഐഎം പ്ര​വ​ർ​ത്ത​ക​ർ​ക്കു പോ​ലും സ്റ്റേഷനി​ൽ ക​യ​റാ​ൻ ക​ഴി​യു​ന്നി​ല്ലെ​ന്ന ത​ര​ത്തി​ലാ​യി​രു​ന്നു വി​മ​ർ​ശ​ന​ങ്ങ​ൾ. ഇ​തിന്റെ തു​ട​ർ​ച്ച​യാ​യാ​ണ് ഇ​പ്പോ​ൾ സം​സ്ഥാ​ന സ​മ്മേ​ള​ന​ത്തി​ലും കു​റ്റ​പ്പെ​ടു​ത്ത​ലു​ക​ളു​ണ്ടാ​കു​ന്ന​ത്.