ചക്രവാതച്ചുഴി; ഇടിമിന്നൽ മുന്നറിയിപ്പ് നൽകി കാലാവസ്ഥാ കേന്ദ്രം: പത്തനംതിട്ട, കോട്ടയം, ഇടുക്കി ജില്ലകളില് ഓറഞ്ച് അലര്ട്ട്
തിരുവനന്തപുരം: ചക്രവാതച്ചുഴിയും കേരളത്തിന് മുകളിലൂടെ 1.5 കിലോമീറ്റര് ഉയരത്തിലായി ന്യുനമര്ദ്ദപാത്തിയും സ്ഥിതി ചെയ്യുന്നതിനാൽ കേരളത്തില് അടുത്ത നാല് ദിവസം വ്യാപകമായി മഴ തുടരുമെന്ന് മുന്നറിയിപ്പ്.
ജാഗ്രതയുടെ ഭാഗമായി പത്തനംതിട്ട, കോട്ടയം, ഇടുക്കി ജില്ലകളില് ഓറഞ്ച് അലര്ട്ടും ആലപ്പുഴ, എറണാകുളം, കണ്ണൂര്, കാസര്കോട് ജില്ലകളില് യെല്ലോ അലർട്ടും പ്രഖ്യാപിച്ചിട്ടുണ്ട്.
അലർട്ടുകൾ ഉള്ള ജില്ലകൾ - തിങ്കൾ(ഓഗസ്റ്റ് 19) - ഓറഞ്ച്: എറണാകുളം, പത്തനംതിട്ട. യെല്ലോ: ആലപ്പുഴ, എറണാകുളം, കണ്ണൂര്, കാസര്കോട്. ചൊവ്വ(ഓഗസ്റ്റ് 20) - ഓറഞ്ച്: എറണാകുളം. യെല്ലോ: ആലപ്പുഴ, കോട്ടയം, ഇടുക്കി, തൃശൂര്, കോഴിക്കോട്, കണ്ണൂര്. ബുധന്(ഓഗസ്റ്റ് 21) - യെലോ: ആലപ്പുഴ, എറണാകുളം, തൃശൂര്.
ഓഗസ്റ്റ് 21 വരെ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ മഴയ്ക്കും മണിക്കൂറിൽ 30 മുതൽ 40 കിലോമീറ്റർ വരെയും ചില അവസരങ്ങളിൽ മണിക്കൂറിൽ 50 കിലോമീറ്റർ വരെയും വേഗതയിൽ ശക്തമായ കാറ്റിനും സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പ് അറിയിച്ചത്. കേരള - ലക്ഷദ്വീപ് - കര്ണാടക തീരങ്ങളില് മത്സ്യബന്ധനത്തിന് വിലക്ക് തുടരുന്നു.
വയനാട് സി.പി.എം ജില്ലാ സെക്രട്ടറിയായിരുന്ന പി ഗഗാറിനെ മാറ്റി, പകരം കെ റഫീഖിന് ചുമതല കൈമാറി 
