ചെ​യ്യാ​ത്ത തെ​റ്റി​ന് 17 വ​ർ​ഷം ജ​യി​ലി​ൽ ശിക്ഷ അനുഭവിച്ചു; ജീ​വി​ത​ച്ചെ​ല​വ് ഈ​ടാ​ക്കാ​ൻ യു.കെയിലെ ജ​യി​ൽ അ​ധി​കൃ​ത​ർ

യു​.കെ: ചെ​യ്യാ​ത്ത തെ​റ്റി​ന് വ​ർ​ഷ​ങ്ങ​ളോ​ളം ജ​യി​ലി​ൽ ക​ഴി​ഞ്ഞ​യാ​ൾ​ക്ക് എ​ന്ത് കൊ​ടു​ത്താ​ൽ മ​തി​യാ​കും? എ​ത്ര കോ​ടി​ക​ൾ ന​ൽ​കി​യാ​ലും അ​യാ​ൾ അ​നു​ഭ​വി​ച്ച​തി​ന് പ​ക​ര​മാ​വി​ല്ല.

ആ ​നി​ര​പ​രാ​ധി​യി​ൽ​ നി​ന്ന് ത​ട​വി​ൽ ക​ഴി​ഞ്ഞ​തി​ന് വ​ലി​യൊ​രു തു​ക ഈ​ടാ​ക്കി​യാ​ലോ? അ​തി​ലും വ​ലി​യ പാ​ത​കം മ​റ്റൊ​ന്നി​ല്ല..! യു.​കെ​യി​ൽ പ​ക്ഷേ, ഇ​ത് ന​ട​പ്പ് രീ​തി​യാ​ണ്.

അ​ടു​ത്തി​ടെ​യും ഇ​തു​പോ​ലൊ​രു സം​ഭ​വം അ​വി​ടെ​നി​ന്നു റി​പ്പോ​ർ​ട്ട് ചെ​യ്യ​പ്പെ​ട്ടു. ചെ​യ്യാ​ത്ത തെ​റ്റി​നു 17 വ​ർ​ഷം ജ​യി​ലി​ൽ ക​ഴി​ഞ്ഞ ആ​ൻ​ഡ്രൂ മ​ൽ​കി​ൻ​സ​ൺ എ​ന്ന​യാ​ൾ​ക്കു കി​ട്ടു​ന്ന ന​ഷ്ട​പ​രി​ഹാ​ര​ത്തു​ക​യി​ൽ​നി​ന്ന് 1,00,000 പൗ​ണ്ട് (1,06,88,639 രൂ​പ) “ബെ​ഡ് ആ​ൻ​ഡ് ബോ​ർ​ഡ് ഫീ​സ്’ ആ​യി കു​റ​യ്‌​ക്കു​മെ​ന്നാ​ണ് റി​പ്പോ​ർ​ട്ട്.

2003ൽ ​ഗ്രേ​റ്റ​ർ മാ​ഞ്ച​സ്റ്റ​റി​ലെ സാ​ൽ​ഫോ​ർ​ഡി​ൽ ഒ​രു സ്ത്രീ​യെ ബ​ലാ​ത്സം​ഗം ചെ​യ്തു​വെ​ന്ന കു​റ്റം ചു​മ​ത്തി​യാ​ണ് ആ​ൻ​ഡ്രൂ മാ​ൽ​കി​ൻ​സ​ണെ ജ​യി​ലി​ല​ട​ച്ച​ത്. എ​ന്നാ​ൽ 17 വ​ർ​ഷ​ത്തി​ന് ശേ​ഷം എ​ല്ലാ കു​റ്റ​ങ്ങ​ളി​ൽ​നി​ന്നും ഇ​യാ​ളെ കോ​ട​തി മോ​ചി​പ്പി​ച്ചു.

ആ​ൻ​ഡ്രൂ​സി​നു കി​ട്ടു​ന്ന ന​ഷ്ട​പ​രി​ഹാ​ര​ തുക​യി​ൽ​ നി​ന്ന് ജ​യി​ൽ കാ​ല​യ​ള​വി​ലെ ജീ​വി​ത ​ചെ​ല​വ് ന​ൽ​ക​ണ​മെ​ന്ന് ജ​യി​ൽ അ​ധി​കൃ​ത​രാ​ണ് ആ​വ​ശ്യ​പ്പെ​ട്ട​ത്. ന​ഷ്ട​പ​രി​ഹാ​ര​ത്തു​ക എ​ത്ര​യെ​ന്നു ക​ണ​ക്കാ​ക്കി​വ​രു​ന്ന​തേ​യു​ള്ളൂ.

എ​ന്നാ​ൽ, ഇ​തു വ​ലി​യ വാ​ർ​ത്ത​യാ​യ​തോ​ടെ ഈ ​അ​നീ​തി അ​വ​സാ​നി​പ്പി​ക്കാ​ൻ തീ​രു​മാ​നി​ച്ചെ​ന്നും റി​പ്പോ​ർ​ട്ടു​ക​ളി​ലു​ണ്ട്. അ​ങ്ങ​നെ വ​ന്നാ​ൽ, ആ​ൻ​ഡ്രൂ​സി​നു ന​ഷ്ട​പ​രി​ഹാ​ര​ തു​ക പൂ​ർ​ണ​മാ​യും ല​ഭി​ക്കും.