താ​മ​സി​ക്കാ​ൻ ഇ​ട​മി​ല്ലാ​തെ പ​ട്ടി​ക്കൂ​ട് വീ​ടാ​ക്കി ബം​ഗാ​ളി: വാ​ട​ക 500 രൂ​പ, വി​ശ​ദീ​ക​ര​ണവുമായി കെ​ട്ടി​ട ഉ​ട​മ​

പി​റ​വം: പി​റ​വ​ത്ത് ഇ​ത​ര സം​സ്ഥാ​ന തൊ​ഴി​ലാ​ളി​യു​ടെ പ​ട്ടി​ക്കൂ​ട്ടി​ലെ വാ​സ വാ​ർ​ത്ത സോ​ഷ്യ​ൽ മീ​ഡി​യ​യി​ലും മ​റ്റും വൈ​റ​ലാ​യി. പ​രാ​തി​യും കേ​സു​മി​ല്ലാ​ത്ത​തി​നാ​ൽ ഒ​ടു​വി​ൽ ഒ​ത്തു​തീ​ർ​പ്പി​ലു​മെ​ത്തി.

പ​ശ്ചി​മ ബം​ഗാ​ൾ സ്വ​ദേ​ശി​യാ​യ ശ്യാം ​സു​ന്ദ​റാണ്(38) പി​റ​വം പോ​ലീ​സ് സ്റ്റേ​ഷ​ന് സ​മീ​പം പു​ര​ത്ര​ക്കു​ള​ത്തി​ന​ടു​ത്തു​ള്ള വീ​ട്ടു​മു​റ്റ​ത്തെ പ​ട്ടി​ക്കൂ​ട്ടി​ൽ ക​ഴി​ഞ്ഞ മൂ​ന്ന് മാ​സ​മാ​യി താമസിച്ചിരു​ന്ന​ത്.

കൂ​ട് വീ​ടാ​ക്കി, പാ​ച​ക​വും ഉ​റ​ക്ക​വു​മെ​ല്ലാം ഇ​തി​നു​ള്ളി​ൽ​ ത​ന്നെ​യാ​യി​രു​ന്നു. എ​ട്ട​ടി​യോ​ളം നീ​ള​വും നാ​ല​ര അ​ടി​യോ​ളം വീ​തി​യു​ള്ള പ​ട്ടി​ക്കൂ​ടി​ന് ചു​റ്റു​മു​ള്ള ഇ​രു​മ്പ് ഗ്രി​ല്ല് പ്ലാ​സ്റ്റി​ക് ബോ​ർ​ഡ് ഉ​പ​യോ​ഗി​ച്ച് മ​റ​ച്ചി​രി​ക്കു​ക​യാ​ണ്.

ഇ​തി​നു​ള്ളി​ൽ ഗ്യാ​സ് ഉ​പ​യോ​ഗി​ച്ച് പാ​ച​ക​വും അതി​നു​ള്ള പാ​ത്ര​ങ്ങ​ളു​മു​ണ്ട്. കി​ട​ക്കാ​ൻ ബെ​ഡ് ഷീ​റ്റും പു​ത​പ്പും ത​ല​യ​ണ​യു​മെ​ല്ലാ​മു​ണ്ടാ​യി​രു​ന്നു. ഇ​വി​ടെ​യു​ള്ള വീ​ട്ടി​ലും സ​മീ​പ​ത്തു​ള്ള മ​റ്റൊ​രു ഷെ​ഡി​ലു​മാ​യി നി​ര​വ​ധി ഇ​ത​ര സം​സ്ഥാ​ന തൊ​ഴി​ലാ​ളി​ക​ൾ താ​മ​സി​ക്കു​ന്നു​ണ്ട്.​

പ​ഴ​യ ഈ ​വീ​ടി​ന്‍റെ ഉ​ട​മ​യും കു​ടും​ബ​വും റോ​ഡി​ന് എ​തി​ർ​വ​ശ​ത്ത് മ​റ്റൊ​രു വീ​ട്ടി​ലാ​ണ് താ​മ​സി​ക്കു​ന്ന​ത്. സം​ഭ​വം സോ​ഷ്യ​ൽ മീ​ഡി​യ​യി​ലും മ​റ്റും വ്യാ​പി​ച്ച​തോ​ടെ ഇ​ന്ന​ലെ രാ​വി​ലെ ധാ​രാ​ളം നാ​ട്ടു​കാ​ർ ഇ​വി​ടെ എ​ത്തി​ച്ചേ​ർ​ന്നു.

അ​നൂ​പ് ജേ​ക്ക​ബ് എം​.എ​ൽ.​എ​യ​ട​ക്ക​മു​ള്ള ജ​ന​പ്ര​തി​നി​ധി​ക​ളും സ്ഥ​ലം സ​ന്ദ​ർ​ശി​ച്ചു. വാ​ട​ക​യ്ക്ക് വേ​ണ്ടി ഇ​ങ്ങ​നെ​യൊ​രു താ​മ​സ ​സ്ഥ​ലം അ​നു​വ​ദി​ച്ച​ത് അം​ഗീ​ക​രി​ക്കാ​നാകി​ല്ലെ​ന്ന് എം.​എ​ൽ​.എ പ​റ​ഞ്ഞു.

പി​റ​വം പോ​ലീ​സെ​ത്തി ശ്യാം ​സു​ന്ദ​റി​നെ വൈ​ദ്യ​പ​രി​ശോ​ധ​ന ന​ട​ത്തി. ഇ​ത് സം​ബ​ന്ധി​ച്ച് ആ​ർ​ക്കും പ​രാ​തി ഇ​ല്ലാ​ത്ത​തി​നാ​ൽ കേ​സെ​ടു​ത്തി​ട്ടി​ല്ല. ഇ​ത​ര സം​സ്ഥാ​ന തൊ​ഴി​ലാ​ളി​ക​ൾ ഒ​രു​മി​ച്ച് കെ​ട്ടി​ടം മൊ​ത്ത​മാ​യി വാ​ട​ക​യ്ക്ക് എ​ടു​ക്കു​ക​യാ​യി​രു​ന്നു​വെ​ന്നും ഇ​വ​രാ​ണ് ഒ​പ്പ​മു​ള്ള​യാ​ളെ നേ​ര​ത്തെ പ​ട്ടി​ക്കൂ​ടാ​യി ഉ​പ​യോ​ഗി​ച്ച് ​വ​ന്നി​രു​ന്നി​ട​ത്ത് താ​മ​സി​പ്പി​ച്ച​തെ​ന്നും കെ​ട്ടി​ട ഉ​ട​മ പ​റ​ഞ്ഞു.

ഇ​യാ​ൾ​ക്ക് ഇ​വി​ടെ​ത്ത​ന്നെ കെ​ട്ടി​ട​ത്തി​ൽ മെ​ച്ച​പ്പെ​ട്ട സൗ​ക​ര്യ​ത്തി​ൽ താ​മ​സ സൗ​ക​ര്യം ഒ​രു​ക്കി​യി​ട്ടു​ണ്ടെ​ന്ന് ന​ഗ​ര​സ​ഭാ ചെ​യ​ർ​പേ​ഴ്സ​ൺ ജൂ​ലി സാ​ബു, വൈ​സ് ചെ​യ​ർ​മാ​ൻ കെ.​പി സ​ലിം എ​ന്നി​വ​ർ വ്യക്തമാക്കി.