ശമ്പള- പെൻഷൻ, ആയിരം കോടിയുടെ കടപത്രമിറക്കി സംസ്ഥാനം
തിരുവനന്തപുരം: ഓഗസ്റ്റ് മാസത്തെ ശമ്പള- പെൻഷൻ ചെലവുകൾക്കായി ആയിരം കോടിയുടെ കടപത്രമിറക്കി സംസ്ഥാന സർക്കാർ. കേന്ദ്രം വെട്ടിക്കുറച്ചത് കഴിഞ്ഞ് അനുവദിച്ച വായ്പയിൽ ഇനി ശേഷിക്കുന്നത് 2,890 കോടി രൂപമാത്രമാണ്. കൂടാതെ 8,000 രൂപയോളമാണ് ധനവകുപ്പിന് ഇനി കണ്ടെത്തേണ്ടതുണ്ട്.
വായ്പ പരിധി വെട്ടിക്കുറച്ച കേന്ദ്ര നടപടിക്ക് പിന്നാലെ സര്ക്കാര് ജീവനക്കാരുടെ ശമ്പള പരിഷ്കരണം കൂടി വന്നതോടെയാണ് സംസ്ഥാനത്തിന്റെ ധനസ്ഥിതി മോശമായത്.
4,500 കോടി അധിക ബാധ്യത കണക്കാക്കി തുടങ്ങിയ ശമ്പള പരിഷ്കരണം ഒടുവിൽ അതിന്റെ നാലിരട്ടിയുണ്ടായാലും തീരാത്ത ബാധ്യതയാണുണ്ടാക്കിയത്.
വായ്പാ പരിധി വെട്ടിക്കുറച്ച കേന്ദ്ര സമീപനത്തിൽ ആവര്ത്തിച്ച് ആവശ്യപ്പെട്ടിട്ടും വിട്ടുവീഴ്ചക്ക് കേന്ദ്രം തയ്യാറായിട്ടില്ല. ഓവര്ഡ്രാഫിറ്റിലേക്ക് പോയ ട്രഷറി കഴിഞ്ഞ ആഴ്ച ഇറക്കിയ 1500 കോടിയുടെ കടപത്രത്തിന്റെ ബലത്തിലാണ് കരകയറിയത്.
ഓഗസ്റ്റ് മാസത്തെ ശമ്പളവും പെൻഷനും അടക്കം ചെലവുകൾ മുന്നിൽ കണ്ടാണ് വീണ്ടും ആയിരം കോടി വായ്പയെടുത്തത്. ഡിസംബര് വരെ കടമെടുക്കാൻ കേന്ദ്രസര്ക്കാര് അനുമതി നൽകിയത് 15,390 കോടി രൂപയാണ്.
ഇതുവരെ എടുത്തത് 12,500 കോടി, ഇനി ബാക്കി അഞ്ച് മാസത്തേക്ക് ശേഷിക്കുന്നത് 2,890 കോടി മാത്രമാണ്. ഓണക്കാലത്തെ അധിക ചെലവുകൾ കഴിയാൻ തുക സമാഹരിക്കുന്നതിനുള്ള ശ്രമത്തിലാണ് ധനവകുപ്പ്.
പ്രതിസന്ധി പരിഹരിക്കണമെന്ന കേരളത്തിന്റെ ആവശ്യത്തോട് കേന്ദ്രം അനുകൂലമായി പ്രതികരിച്ചിട്ടില്ല.
വയനാട് സി.പി.എം ജില്ലാ സെക്രട്ടറിയായിരുന്ന പി ഗഗാറിനെ മാറ്റി, പകരം കെ റഫീഖിന് ചുമതല കൈമാറി 
