കുറ്റവാളിയായി ബ്രാന്റ് ചെയ്യപ്പെട്ടു; ഇന്ത്യയിലേക്കു മടങ്ങാന്‍ പറ്റിയ à´¸à

ലണ്ടന്‍: താന്‍ രാജ്യത്ത് ഒരു കുറ്റവാളിയായി ബ്രാന്റ് ചെയ്യപ്പെട്ടുവെന്നും ഇന്ത്യയിലേക്കു മടങ്ങാന്‍ പറ്റിയ സമയമല്ല ഇതെന്നും മദ്യ രാജാവ് വിജയ് മല്യ. മാര്‍ച്ച് 18നു മുന്‍പ് ഇന്ത്യയിലെത്തണമെന്ന എന്‍ഫോഴ്‌സ്‌മെന്റ് ഡയരക്ടറേറ്റിന്റെ സമന്‍സ് നിലനില്‍ക്കേയാണ് മല്യയുടെ വെളിപ്പെടുത്തല്‍. സണ്‍ഡേ ഗാര്‍ഡിയന്‍ പത്രത്തിനു നല്‍à´•à´¿à´¯ à´‡ മെയില്‍ അഭിമുഖത്തിലാണ് മല്യയുടെ തുറന്നുപറച്ചില്‍.

17 ബാങ്കുകളില്‍ നിന്നായി 9000 കോടി രൂപയുടെ വായ്പയെടുത്ത് തിരിച്ചടക്കാത്തതില്‍ നിയമനടപടിക്കൊരുങ്ങുന്നതിനിടെയാണ് മല്യ രാജ്യം വിട്ടത്. മല്യ ലണ്ടനിലെ വസതിയിലാണെന്ന് റിപ്പോര്‍ട്ടുണ്ടെങ്കിലും ഇതുവരെ സ്ഥിരീകരിക്കാനായിട്ടില്ല. à´‡ മെയില്‍ വഴി മാത്രമാണ് മല്യ പുറം ലോകവുമായി സംവദിക്കുന്നത്. മല്യ ഒളിച്ചോടിയെന്ന റിപ്പോര്‍ട്ടുകള്‍ വ്യാപകമായതോടെ ട്വിറ്ററിലൂടെയും പുറത്തുവന്നിരുന്നു. മാധ്യമങ്ങള്‍ക്കെതിരെയും മല്യ പരാമര്‍ശങ്ങള്‍ നടത്തിയിരുന്നു. ഇതിനു പിന്നാലെയാണ് ഇപ്പോള്‍ ഗാര്‍ഡിയന്‍ പത്രത്തിന് അഭിമുഖം നല്‍കിയിരിക്കുന്നത്.

'കഴിഞ്ഞവര്‍à´·à´‚ തനിക്കെതിരെ ഒരു ലുക്കൗട്ട് നോട്ടീസ് പുറപ്പെടുവിച്ചിരുന്നു. പക്ഷെ, താന്‍ മുങ്ങിയിട്ടില്ല. എന്തുകൊണ്ടാണ് ഇപ്പോള്‍ താനൊരു കുറ്റവാളിയായി ചിത്രീകരിക്കപ്പെടുന്നത്? വായ്പ മുടങ്ങിയത് ബിസിനസ് സംബന്ധിയായ കാര്യമാണ്. ബാങ്കുകള്‍ വായ്പ നല്‍കുമ്പോള്‍ തന്നെ അതിന്റെ പിന്നിലുള്ള റിസ്‌കും അറിയാമായിരുന്നു. തങ്ങളുടെ ബിസിനസ് പ്രതാപത്തിലായിരുന്നു. പക്ഷെ, പെട്ടെന്ന് പൊട്ടിപ്പോയി. തന്നെ ഒരു വില്ലനാക്കരുത്. ഇക്കാര്യത്തില്‍ സദുദ്ദേശ്യം മാത്രമേയുള്ളൂ. താന്‍ മിണ്ടാതിരിക്കുകയാണ്. കാരണം, വാക്കുകള്‍ മറ്റുള്ളവര്‍ വളച്ചൊടിക്കാം'- മല്യ അഭിമുഖത്തില്‍ പറയുന്നു.

താന്‍ എവിടെയാണുള്ളതെന്ന് വ്യക്തമാക്കാന്‍ പ്രയാസമുണ്ടെന്നും സുരക്ഷിതത്വത്തെ ബാധിക്കുമെന്നും എവിടെയാണ് ഇപ്പോഴുള്ളതെന്ന ചോദ്യത്തിന് മറുപടിയായി പറഞ്ഞു.

തനിക്കു വേണ്ടി മാധ്യമങ്ങള്‍ തിരച്ചില്‍ നടത്തുകയാണെന്നും നോക്കേണ്ട സ്ഥലത്ത് നോക്കുന്നില്ലെന്നും മല്യ നേരത്തെ ട്വീറ്റ് ചെയ്തിരുന്നു. മാധ്യമങ്ങളോടു താന്‍ സംസാരിക്കില്ലെന്നും വെറുതെ നിങ്ങളുടെ പരിശ്രമത്തെ പാഴാക്കിക്കളയരുതെന്നും ട്വിറ്ററില്‍ കുറിച്ചിരുന്നു.