വി.എസ് മലമ്പുഴയിലും പിണറായി ധര്‍മടത്തും മത്സരിക്കും

തിരുവനന്തപുരം: മാരത്തോണ്‍ ചര്‍ച്ചക്കൊടുവില്‍ പ്രതിപക്ഷ നേതാവും മുതിര്‍ന്ന നേതാവുമായ വി.എസ് അച്യുതാനന്ദന് മലമ്പുഴയില്‍ സീറ്റ് നല്‍à´•à´¿. ഇതോടെ വി.എസ് മലമ്പുഴയില്‍ നിന്ന് മൂന്നാം തവണയും ജനവിധി തേടും. പാര്‍ലമെന്ററി രംഗത്തേക്ക് മടങ്ങിവരുന്ന പിണറായി വിജയന്‍ കണ്ണൂര്‍ ജില്ലയിലെ ധര്‍മ്മടത്ത് മത്സരിക്കും.

വി.എസ് മത്സരിക്കുന്നതിനെ കോഴിക്കോട് ജില്ലാ സെക്രട്ടറി പി. മോഹനന്‍, മുതിര്‍ന്ന നേതാവ് à´Žà´‚.à´Žà´‚ ലോറന്‍സ്, എന്‍.ആര്‍ ബാലന്‍ എന്നിവര്‍ എതിര്‍ത്തു. വി.എസ് മത്സരിക്കുന്നതിനോട് ജനങ്ങള്‍ക്ക് അഭിപ്രായമില്ലെന്ന മോഹനന്റെ വാദത്തെ സീതാറാം യെച്ചൂരി എതിര്‍ത്തതായാണ് വിവരം. ജനങ്ങളുടെ കാര്യം പറയേണ്ടെന്നും താങ്കള്‍ താങ്കളുടെ കാര്യം പറഞ്ഞാല്‍ മതിയെന്നും പറഞ്ഞാണ് യെച്ചൂരി മോഹനനെ വിലക്കിയത്.

തൃപ്പൂണിത്തുറയില്‍ സ്ഥാനാര്‍ഥിയാകുമെന്ന് ചൂണ്ടിക്കാട്ടിയിരുന്ന എറണാകുളം ജില്ലാ സെക്രട്ടറി പി.രാജീവിനെ മത്സരിപ്പിക്കേണ്ടതില്ലെന്ന് പാര്‍ട്ടി നേതൃത്വം തീരുമാനിച്ചു. കോട്ടയത്തോ, ഏറ്റുമാനൂരോ മത്സരിക്കാന്‍ തയാറെടുത്തിരുന്ന വി.എന്‍.വാസവനേയും ചെങ്ങന്നൂരില്‍ മത്സരിച്ചേക്കുമെന്ന സൂചനയുണ്ടായിരുന്ന ആലപ്പുഴ ജില്ലാ സെക്രട്ടറി സജി ചെറിയാനേയും സ്ഥാനാര്‍ഥി പട്ടികയില്‍ നിന്ന് മാറ്റി.

അതേസമയം തിരുവനന്തപുരം ജില്ലാ സെക്രട്ടറി കടകംപള്ളി സുരേന്ദ്രന്‍, വയനാട് ജില്ലാ സെക്രട്ടറി സി.കെ.ശശീന്ദ്രന്‍, തൃശൂര്‍ ജില്ലാ സെക്രട്ടറി à´Ž.സി മൊയ്തീന്‍ എന്നിവര്‍ തിരഞ്ഞെടുപ്പില്‍ മത്സരിക്കും. മത്സരിക്കാനില്ലെന്ന് നേതൃത്വത്തെ അറിയിച്ച മുന്‍ മന്ത്രിയും സ്പീക്കറുമായിരുന്ന കെ.രാധാകൃഷ്ണന് പകരം മറ്റൊരാളായിരിക്കും ഇത്തവണ ചേലക്കരയില്‍ പാര്‍ട്ടി ചിഹ്നത്തിലുണ്ടാകുക.

ഒരു മണ്ഡലത്തിലേക്ക് ഒന്നില്‍ കൂടുതല്‍ പേരുകള്‍ നല്‍കിയിട്ടുള്ള ഇടങ്ങളില്‍ ഒരു പേര് മാത്രം നല്‍കാന്‍ ജില്ലാ കമ്മിറ്റികള്‍ക്ക് സംസ്ഥാന കമ്മിറ്റി നിര്‍ദേശം നല്‍à´•à´¿. വിവാദത്തെ തുടര്‍ന്ന് ആറന്മുള മണ്ഡലത്തിലെ സ്ഥാനാര്‍ഥി പട്ടിക റദ്ദാക്കി. നിലവിലെ à´Žà´‚.എല്‍.എമാരായ എസ്. ശര്‍മ്മ(വൈപ്പിന്‍), ജി.സുധാകരന്‍(അമ്പലപ്പുഴ), സാജു പോള്‍(പെരുമ്പാവൂര്‍), à´Ž.പ്രദീപ്കുമാര്‍(കോഴിക്കോട് നോര്‍ത്ത്), വി. ശിവന്‍കുട്ടി(നേമം), പി.ശ്രീരാമകൃഷ്ണന്‍(പൊന്നാനി), à´Ž.à´Žà´‚ ആരിഫ്(അരൂര്‍) എന്നിവരും മത്സരരംഗത്തുണ്ടാകും. വട്ടിയൂര്‍കാവ് മണ്ഡലത്തില്‍ à´Ÿà´¿.എന്‍ സീമയേയും പരിഗണിക്കുന്നുണ്ട്. ചലചിത്ര താരം കെ.പി.à´Ž.സി ലളിത തൃശൂര്‍ ജില്ലയിലെ മണ്ഡലത്തില്‍ മത്സരിക്കുമെന്നാണ് വിവരം. മുന്‍സ്പീക്കര്‍ കെ. രാധാകൃഷ്ണന്‍ മത്സരിക്കുന്നില്ലെന്ന് പറഞ്ഞ സാഹചര്യത്തില്‍ ചേലക്കര മണ്ഡലത്തിലായിരിക്കും ലളിതയെ മത്സരിപ്പിക്കുകയെന്നാണ് വിവരം.