ചാ​ല​ക്കു​ടി പി​ള്ള​പാ​റ​യി​ൽ ഒഴുക്കിൽപ്പെട്ട ആ​ന ര​ക്ഷ​പ്പെ​ട്ടു; മ​ണി​ക്കൂ​റു​ക​ൾ നീ​ണ്ട സ്വ​യം പ​രി​ശ്ര​മ​ത്തി​നു​ശേ​ഷം ക​ര​ക​യ​റി

ചാ​ല​ക്കു​ടി: മ​ല​വെ​ള്ള​പ്പാ​ച്ചി​ലി​ൽ കു​ടു​ങ്ങി​യ കാ​ട്ടാ​ന മ​ണി​ക്കൂ​റു​ക​ൾ നീ​ണ്ട സ്വ​യം പ​രി​ശ്ര​മ​ത്തി​നു​ശേ​ഷം ക​ര​ക​യ​റി. ചാ​ല​ക്കു​ടി പി​ള്ള​പാ​റ​യി​ൽ കു​ടു​ങ്ങി​യ കാ​ട്ടാ​ന​യാ​ണ് അ​തി​ശ​ക്ത​മാ​യ മ​ല​വെ​ള്ള​പ്പാ​ച്ചി​ലി​നെ അ​തി​ജീ​വി​ച്ച് മ​ണി​ക്കൂ​റു​ക​ൾ നീ​ണ്ട പ​രി​ശ്ര​മ​ത്തി​നൊ​ടു​വി​ൽ ക​ര​ക​യ​റി​യ​ത് . 

ഇ​ന്ന് രാ​വി​ലെ​യാ​ണ് കാ​ടി​റ​ങ്ങി​യ കാ​ട്ടാ​ന ഒ​ഴു​ക്കി​ൽ​പ്പെ​ട്ട​ത് നാ​ട്ടു​കാ​ർ കാ​ണു​ന്ന​ത്. പി​ള്ള​പ്പാ​റ​യി​ലെ എ​ണ്ണ​പ്പ​ന​ത്തോ​ട്ട​ത്തി​ലേ​ക്കും സ​മീ​പ​ത്തെ കൃ​ഷി‍​യി​ട​ത്തി​ലേ​ക്കും ഫ​ല​ങ്ങ​ൾ തി​ന്നാ​നെ​ത്തി​യ കാ​ട്ടാ​ന തി​രി​ച്ചു​പോ​കു​ന്പോ​ൾ ഇ​ന്ന​ലെ അ​ർ​ധ​രാ​ത്രി​യോ​ടെ​യോ ഇ​ന്ന് പു​ല​ർ​ച്ചെ​യോ ആ​യി​രി​ക്കും മ​ല​വെ​ള്ള​പ്പാ​ച്ചി​ലി​ൽ​പെ​ട്ട​തെ​ന്ന് സം​ശ​യി​ക്കു​ന്നു.

രാ​വി​ലെ ആ​റോ​ടെ നാ​ട്ടു​കാ​രാ​ണ് ഒ​ഴു​ക്കി​ൽ​പ്പെ​ട്ട ആ​ന​യെ കാ​ണു​ന്ന​ത്. ക​ന​ത്ത മ​ഴ​യി​ൽ പു​ഴ​യി​ല്‍ ക​ന​ത്ത ഒ​ഴു​ക്കാ​യി​രു​ന്നു ഉ​ണ്ടാ​യി​രു​ന്ന​ത്. പു​ഴ​യി​ൽ ഉ​ണ്ടാ​യി​രു​ന്ന ചെ​റി​യ പ​ച്ച​ത്തു​രു​ത്ത് മാ​ത്ര​മാ​യി​രു​ന്നു ആ​ന​യു​ടെ പി​ടി​വ​ള്ളി.

ഒ​ഴു​ക്കി​ൽ​പ്പെ​ട്ട് വീ​ഴാ​തി​രി​ക്കാ​നും ഒ​ഴു​കി പോ​കാ​തി​രി​ക്കാ​നും ആ​ന പ​രി​ശ്ര​മി​ച്ചു​കൊ​ണ്ടി​രു​ന്നു. പു​ഴ​യു​ടെ മ​ധ്യ ഭാ​ഗ​ത്ത് ഒ​രു തു​രു​ത്തി​ലാ​ണ് കാ​ട്ടാ​ന നി​ല​യു​റ​പ്പി​ച്ചി​രു​ന്ന​ത്.

പി​ന്നീ​ട് അ​വി​ടെ നി​ന്ന് നീ​ന്തി കു​റേ​ക്കൂ​ടി ഉ​യ​ർ​ന്ന തു​രു​ത്തി​ൽ എ​ത്തി​ച്ചേ​ർ​ന്നു.ക​ന​ത്ത മ​ഴ​യി​ൽ പെ​രി​ങ്ങ​ൽ​കു​ത്ത് ഡാ​മി​ന്‍റെ സ്ലൂ​യി​സ് വാ​ൽ​വു​ക​ൾ തു​റ​ന്ന​തു കൊ​ണ്ട് പു​ഴ​യി​ലെ നീ​രൊ​ഴു​ക്ക് ശ​ക്ത​മാ​യ​തി​നാ​ൽ ര​ക്ഷാ​പ്ര​വ​ർ​ത്ത​ന​വും ദു​ഷ്ക​ര​മാ​യി​രു​ന്നു.

ആ​ന ത​നി​യെ നീ​ന്തി ര​ക്ഷ​പെ​ടാ​നു​ള്ള ശ്ര​മ​ങ്ങ​ൾ ന​ട​ത്തി​യ​താ​ണ് അ​വ​സാ​നം ഫ​ലം ക​ണ്ട​ത് .പാ​റ​ക​ളി​ലും മ​റ്റും ത​ട്ടി ആ​ന​യ്ക്ക് പ​രി​ക്കേ​റ്റി​യി​ട്ടു​ണ്ട്.

കാ​ട്ടാ​ന മ​ല​വെ​ള്ള​പ്പാ​ച്ചി​ലി​ൽ കു​ടു​ങ്ങി​യ​ത് അ​റി​ഞ്ഞ് നാ​ട്ടു​കാ​രും വ​ന​പാ​ല​ക​രും സ്ഥ​ല​ത്തെ​ത്തി​യി​രു​ന്നു.മ​ല​വെ​ള്ള​പ്പാ​ച്ചി​ലി​ൽ കു​ടു​ങ്ങി​യ കാ​ട്ടാ​ന​യു​ടെ ദൃ​ശ്യ​ങ്ങ​ൾ സോ​ഷ്യ​ൽ മീ​ഡി​യ​യി​ൽ വൈ​റ​ലാ​യി ക​ഴി​ഞ്ഞു