ബാങ്ക്‌ മാനേജരെ പോലീസ്‌ മര്‍ദ്ദിച്ച കേസ്‌ വഴിത്തിരിവിലേക്ക്‌

തൊടുപുഴ : യൂണിയന്‍ ബാങ്ക്‌ തൊടുപുഴ ശാഖാ മാനേജരായിരുന്ന പേഴ്‌സി ജോസഫ്‌ ഡസ്‌മണ്ടിനെ തൊടുപുഴ à´Ž.എസ്‌.പി.യായിരുന്ന ആര്‍. നിശാന്തിനിയുടെ നേതൃത്വത്തില്‍ മാനഭംഗകേസില്‍ കുടുക്കി മര്‍ദ്ദിച്ച കേസിലെ സുപ്രധാന രേഖകള്‍ ഹാജരാക്കാന്‍ ഇടുക്കി ജില്ലാ പോലീസ്‌ ചീഫിനോട്‌ ഹൈകോടതി ജഡ്‌ജി ബി. കമാല്‍ പാഷ ഉത്തരവിട്ടു. 2011 ജൂലൈ 25, 26 തീയതികളിലാണ്‌ കേസിനാസ്‌പദമായ സംഭവങ്ങള്‍ നടന്നത്‌. തൊടുപുഴ യൂണിയന്‍ ബാങ്കില്‍ വായ്‌à´ª എടുക്കാനെന്ന വ്യാജേന ചെന്ന രണ്ട്‌ വനിതാ പോലീസുകാരില്‍ ഒരാളായ പ്രമീളയെ ബാങ്ക്‌ മാനേജര്‍ മാനഭംഗപ്പെടുത്താന്‍ ശ്രമിച്ചു എന്നാരോപിച്ചാണ്‌ അടുത്ത ദിവസം അന്നത്തെ à´Ž.എസ്‌.പി. ആര്‍. നിശാന്തിനി ബാങ്ക്‌ മാനേജരെ ഓഫീസില്‍ വിളിച്ച്‌ വരുത്തി ക്രൂരമായി മര്‍ദ്ദിച്ചത്‌. ഇതോടൊപ്പം പീഡനകേസില്‍ ബാങ്ക്‌ മാനേജര്‍ അറസ്റ്റില്‍ എന്ന രീതിയില്‍ ചാനലുകളില്‍ ബ്രേക്കിംഗ്‌ ന്യൂസും പത്രങ്ങളില്‍ വാര്‍ത്തയും നല്‍കിയിരുന്നു. മര്‍ദ്ദനത്തിന്‌ ശേഷം ചെയ്യാത്ത കുറ്റത്തിന്‌ മാപ്പ്‌ എഴുതി നല്‍കുവാനും ആവശ്യപ്പെട്ടു. ഇതിന്‌ തയ്യാറാകാതിരുന്ന മാനേജരെ കള്ളക്കേസില്‍ കുടുക്കി മജിസ്‌ട്രേറ്റിന്‌ മുന്നില്‍ ഹാജരാക്കുകയായിരുന്നു. തുടര്‍ന്ന്‌ എറണാകുളം മെഡിക്കല്‍ ട്രസ്റ്റ്‌ ആശുപത്രിയില്‍ അഡ്‌മിറ്റായ ബാങ്ക്‌ മാനേജര്‍ à´Ž.എസ്‌.പി. ആര്‍. നിശാന്തിനിക്കും പോലീസുകാര്‍ക്കുമെതിരെ മൊഴി നല്‍കിയിരുന്നു. à´ˆ മൊഴി നശിപ്പിച്ചുവെന്നാരോപിച്ച്‌ അന്നത്തെ തൊടുപുഴ à´Ž.എസ്‌.ഐ. കെ. ഐ. മുഹമ്മദിന്റെ പേരില്‍ തൊടുപുഴ ജുഡിഷ്യല്‍ മജിസ്‌ട്രേറ്റ്‌ കോടതിയില്‍ കേസ്‌ എടുത്തിരുന്നു. ഇതേ തുടര്‍ന്ന്‌ സമന്‍സ്‌ ലഭിച്ച à´Ž.എസ്‌.ഐ. മുഹമ്മദ്‌ തന്റെ പേരിലുള്ള കേസ്‌ അവസാനിപ്പിക്കണമെന്നും താന്‍ പേഴ്‌സിയുടെ മൊഴി രേഖപ്പെടുത്തി, തൊടുപുഴ പോലീസ്‌ സ്റ്റേഷനില്‍ എസ്‌.ഐ.യെ ഏല്‍പ്പിച്ചുവെന്നും കാണിച്ച്‌ കേരള ഹൈകോടതിയെ സമീപിക്കുകയായിരുന്നു.
താന്‍ രേഖപ്പെടുത്തിയ മൊഴി, താന്‍ അന്നത്തെ തൊടുപുഴ എസ്‌.ഐ. ക്ലീറ്റസ്‌ കെ. ജോസഫിനെ ഏല്‍പ്പിച്ചു എന്നും കാണിച്ച്‌, വിവരാവകാശ നിയമപ്രകാരം കിട്ടിയ രേഖകളും, മുഹമ്മദ്‌ ഹൈകോടതിയില്‍ ഹാജരാക്കി. എന്നാല്‍ പേഴ്‌സി ജോസഫിനുവേണ്ടി അദ്ദേഹത്തിന്റെ അഭിഭാഷകന്‍ സി. à´Žà´‚. ടോമി ചെറുവള്ളി കോടതിയില്‍ ഹാജരായി വാദം നടത്തുന്ന സമയത്ത്‌ പോലീസ്‌ ജാമ്യം അനുവദിക്കാമായിരുന്നു എങ്കിലും, ജാമ്യം അനുവദിക്കാതെ മജിസ്‌ട്രേറ്റിന്‌ മുമ്പില്‍ ഹാജരാക്കി, മജിസ്‌ട്രേറ്റ്‌ പേഴ്‌സിയുടെ മൊഴി രേഖപ്പെടുത്തിയ വിവരവും, പേഴ്‌സിയുടെ മൊഴിയുടെ കോപ്പിയും, കീഴ്‌കോടതിയില്‍ ഹാജരാക്കിയ വിവരവും, ചൂണ്ടികാണിച്ചു. കൂടാതെ 25-7-2011 മുതല്‍ 27-7-2011 വരെയുള്ള തൊടുപുഴ പോലീസ്‌ സ്റ്റേഷനിലെ ജനറല്‍ ഡയറിയുടെ പകര്‍പ്പും ഹൈകോടതിയില്‍ ഹാജരാക്കി.
വിവരാവകാശ നിയമപ്രകാരം പേഴ്‌സിയുടെ മൊഴി അന്നത്തെ എസ്‌.ഐ.യെ ഏല്‍പ്പിച്ചു എന്ന്‌ മുഹമ്മദ്‌ സമര്‍പ്പിച്ചപ്പോള്‍ പേഴ്‌സി പ്രതിയായ പോലീസ്‌ കേസില്‍ അങ്ങനെയൊരു മൊഴി താന്‍ കണ്ടിട്ടില്ലായെന്ന എസ്‌.ഐ. ക്ലീറ്റസിന്റെ മൊഴിയും അഡ്വ. സി.à´Žà´‚. ടോമി ഹൈകോടതിയില്‍ ഹാജരാക്കി.
ഇരുഭാഗത്തെയും വാദങ്ങള്‍ കേള്‍ക്കുകയും രേഖകള്‍ പരിശോധിക്കുകയും ചെയ്‌à´¤ ശേഷമാണ്‌ ദൂരവ്യാപകമായ പ്രത്യാഘാതങ്ങള്‍ ഉണ്ടാകുന്ന ഉത്തരവ്‌ ഹൈകോടതി ജഡ്‌ജി ബി. കമാല്‍പാഷ പുറപ്പെടുവിച്ചത്‌. പേഴ്‌സി ജോസഫിന്റെ മൊഴിയുടെ അസ്സല്‍ ഇടുക്കി എസ്‌.പി.യോട്‌ കണ്ടുപിടിച്ച്‌ ഹാജരാക്കുവാന്‍ ഉത്തരവായതു കൂടാതെ മുഹമ്മദ്‌ തൊടുപുഴ പോലീസ്‌ സ്റ്റേഷനില്‍ സമര്‍പ്പിച്ച റിപ്പോര്‍ട്ടും, വിവരാവകാശ നിയമം അനുസരിച്ച്‌ തൊടുപുഴ പോലീസ്‌ സ്റ്റേഷനില്‍ നിന്നും ഹാജരാക്കിയ രേഖകളുടെ അടിസ്ഥാനവും കണ്ടുപിടിക്കുന്നതിനും കോടതി ഉത്തരവായി.
മേല്‍പ്പറഞ്ഞ രേഖകളൊന്നും കിട്ടിയില്ലെങ്കില്‍, പേഴ്‌സിയുടെ മൊഴിയുടെ അസ്സലിന്‌ എന്ത്‌ പറ്റിയെന്നും ആയതിന്റെ പേരില്‍ എന്ത്‌ നടപടി സ്വീകരിച്ചുവെന്നും മാര്‍ച്ച്‌ ഒമ്പതിന്‌ റിപ്പോര്‍ട്ട്‌ ചെയ്യുവാന്‍ ഇടുക്കി എസ്‌.പി.യോട്‌ കോടതി ഉത്തരവിട്ടു.
പേഴ്‌സി ജോസഫിനെ മര്‍ദ്ദിച്ചതിനെതിരെ നിശാന്തിനിക്കും, അന്നത്തെ എസ്‌.ഐ. കെ.പി. മുരളീധരന്‍ നായര്‍ക്കും, വനിതാ പോലീസുകാരികളായ പ്രമീള, യമുന തുടങ്ങിയ നാല്‌ പോലീസുകാര്‍ക്കുമെതിരെ, പോലീസ്‌ തന്റെ മൊഴി നഷ്‌ടപ്പെടുത്തിയെങ്കിലും പേഴ്‌സി തൊടുപുഴ മജിസ്‌ട്രേറ്റ്‌ കോടതിയില്‍ ഫയല്‍ ചെയ്‌à´¤ സ്വകാര്യ അന്യായം, പ്രതികളായ പോലീസുകാര്‍ക്ക്‌ സമന്‍സ്‌ കിട്ടിയപ്പോള്‍, കേസ്‌ അസാധുവാക്കണമെന്ന്‌ ആവശ്യപ്പെട്ട്‌ à´Ž.എസ്‌.പി. ആര്‍. നിശാന്തിനി ഹൈകോടതിയില്‍ കൊടുത്ത ഹര്‍ജിയില്‍, പേഴ്‌സിയുടെ കേസ്‌ തല്‍ക്കാലം സ്റ്റേ ചെയ്‌തിരിക്കുകയാണ്‌. പോലീസുകാരിയെ മാനഭംഗപ്പെടുത്തി എന്നാരോപിച്ച്‌ പേഴ്‌സിക്കെതിരെ എടുത്ത കേസ്‌ വിചാരണ പൂര്‍ത്തിയാക്കി, മേല്‍ നടപടികക്കായി ഇരിക്കുകയാണ്‌. എല്ലാ കേസുകളിലും, കോടതികളിലും, പേഴ്‌സിക്കുവേണ്ടി ഹാജരാകുന്നത്‌ അഡ്വ. സി. à´Žà´‚. ടോമി ചെറുവള്ളിയാണ്‌.
പേഴ്‌സിയുടെ മൊഴി നശിപ്പിച്ചതിനെ തുടര്‍ന്ന്‌ പേഴ്‌സി ഇടുക്കി എസ്‌.പി.ക്ക്‌ പരാതി നല്‍കിയെങ്കിലും നടപടി ഉണ്ടാകാത്തതില്‍ അന്നത്തെ ആഭ്യന്തരമന്ത്രി കൂടിയായ മുഖ്യമന്ത്രിക്ക്‌ പേഴ്‌സി പരാതി കൊടുത്തതില്‍ വച്ച്‌ ഉന്നതപോലീസ്‌ ഉദ്യോഗസ്ഥരെ കൊണ്ട്‌ അന്വേഷിപ്പിച്ചതില്‍, അന്നത്തെ ഇടുക്കി എസ്‌.പി. ജോര്‍ജ്ജ്‌ വര്‍ഗീസിനെയും, ആര്‍. നിശാന്തിനിയേയും ഐപിഎസ്‌ പദവിയിലുള്ളതുകൊണ്ട്‌ സസ്‌പെന്റ്‌ ചെയ്യുവാന്‍ കേന്ദ്രസര്‍ക്കാരിനോട്‌ ശുപാര്‍à´¶ ചെയ്യുകയും, എസ്‌.ഐ. കെ.വി. മുരളീധരന്‍ നായര്‍, പ്രമീള, യമുന, കൂടാതെ നാല്‌ മറ്റു പോലീസുകാരെയും സസ്‌പെന്റ്‌ ചെയ്യുവാന്‍ ഉത്തരവായി. എന്നാല്‍ ഐ.ജി. ശ്രീലേഖയുടെയും മറ്റ്‌ ഉന്നതരുടെയും ഇടപെടല്‍ മൂലം പിന്നീട്‌ വന്ന ആഭ്യന്തരമന്ത്രി തിരുവഞ്ചൂര്‍ രാധാകൃഷ്‌ണന്‍ സസ്‌പെന്‍ഷന്‍ ഉത്തരവ്‌ മരവിപ്പിക്കുകയായിരുന്നു.