ജെ​റ്റും പ​റ​ക്ക​ൽ നി​ർ​ത്തി

മും​ബൈ: സാ​മ്പ​ത്തി​ക പ്ര​തി​സ​ന്ധി​യി​ൽ മു​ങ്ങി​പ്പോ​യ ജെ​റ്റ് എ​യ​ർ​വേ​യ്സി​ന് ഇ​നി പ​റ​ക്കാ​നാ​വി​ല്ല; താ​ത്കാ​ലി​ക​മാ​യെ​ങ്കി​ലും.  കാ​ൽ നൂ​റ്റാ​ണ്ടു​കാ​ലം യാ​ത്ര​ക്കാ​രെ​യും കൊ​ണ്ടു പ​റ​ന്ന ജെ​റ്റ് എ​യ​ർ​വേ​യ്സി​ന്‍റെ വി​മാ​ന​ങ്ങ​ളെ​ല്ലാം നി​ല​ത്തു​റ​ഞ്ഞു.  രാ​ത്രി പ​ത്ത​ര​യോ​ടെ അ​മൃ​ത്‌​സ​റി​ൽ നി​ന്നു​ള്ള മും​ബൈ-​ഡ​ൽ​ഹി വി​മാ​ന​മാ​യി​രു​ന്നു ഈ ​വി​മാ​ന​ക്ക​മ്പ​നി​യു​ടെ അ​വ​സാ​ന സ​ർ​വീ​സ്. താ​ത്കാ​ലി​ക​മാ​യി സ​ർ​വീ​സ് നി​ർ​ത്തി​വ​യ്ക്കു​ക​യാ​ണെ​ന്ന് ക​മ്പ​നി അ​റി​യി​ച്ചു. 

 20,000 തൊ​ഴി​ലു​ക​ൾ ഇ​തോ​ടെ അ​നി​ശ്ചി​ത​ത്വ​ത്തി​ലാ​യി. യാ​ത്ര​ക്കാ​ർ​ക്കു റീ​ഫ​ണ്ട് ന​ൽ​കാ​നു​ള്ള വ​ക​യി​ലും വാ​യ്പ​ക്കാ​ർ​ക്കു തി​രി​ച്ചു​കി​ട്ടാ​നു​ള്ള തു​ക​യി​ലു​മാ​യി ആ​യി​ര​ക്ക​ണ​ക്കി​നു കോ​ടി രൂ​പ​യു​ടെ കാ​ര്യ​വും അ​നി​ശ്ചി​ത​ത്വ​ത്തി​ൽ. ബാ​ങ്കു​ക​ൾ​ക്കു മാ​ത്രം 8,500 കോ​ടി​യി​ലേ​റെ ന​ൽ​കാ​നു​ണ്ട്.

 ബാ​ങ്കു​ക​ളു​ടെ കൂ​ട്ടാ​യ്മ 400 കോ​ടി രൂ​പ​യു​ടെ അ​ടി​യ​ന്ത​ര സ​ഹാ​യം നി​ഷേ​ധി​ച്ച​താ​ണ് ജെ​റ്റ് എ​യ‌​ർ​വേ​യ്സി​നെ താ​ഴെ​യി​റ​ക്കി​യ​ത്. പ്ര​ധാ​ന​മ​ന്ത്രി​യു​ടെ ഓ​ഫി​സ് വി​ളി​ച്ചു​ചേ​ർ​ത്ത യോ​ഗ​ത്തി​ൽ അ​ടി​യ​ന്ത​ര​മാ​യി 400 കോ​ടി രൂ​പ​യു​ടെ വാ​യ്പ ന​ൽ​ക​ണ​മെ​ന്നു ക​മ്പ​നി ആ​വ​ശ്യ​പ്പെ​ട്ടെ​ങ്കി​ലും ന​ൽ​കാ​നാ​വി​ല്ലെ​ന്ന ഉ​റ​ച്ച നി​ല​പാ​ട് സ്വീ​ക​രി​ച്ചു ബാ​ങ്കു​ക​ൾ. പ്ര​ധാ​ന​മ​ന്ത്രി​യു​ടെ പ്രി​ൻ​സി​പ്പ​ൽ സെ​ക്ര​ട്ട​റി നൃ​പേ​ന്ദ്ര മി​ശ്ര​യു​ടെ അ​ധ്യ​ക്ഷ​ത​യി​ലാ​യി​രു​ന്നു യോ​ഗം. 

അ​ഞ്ചു വ​ർ​ഷ​ത്തി​നി​ടെ പ്ര​വ​ർ​ത്ത​നം നി​ർ​ത്തു​ന്ന ഏ​ഴാ​മ​ത്തെ ആ​ഭ്യ​ന്ത​ര വി​മാ​ന സ​ർ​വീ​സ് ക​മ്പ​നി​യാ​ണ് പ്ര​മു​ഖ വ്യ​വ​സാ​യി ന​രേ​ഷ് ഗോ​യ​ൽ സ്ഥാ​പി​ച്ച ജെ​റ്റ്. ക​ട​ക്കെ​ണി​യി​ൽ നി​ന്നു ക​ര​ക​യ​റാ​നു​ള്ള പ​രി​ശ്ര​മ​ങ്ങ​ളി​ലാ​യി​രു​ന്നു ക​ഴി​ഞ്ഞ വർഷങ്ങളിൽ ക​മ്പ​നി. ലോ​ക്സ​ഭാ തെ​ര​ഞ്ഞെ​ടു​പ്പു​കാ​ല​ത്ത് ക​മ്പ​നി അ​ട​ച്ചു​പൂ​ട്ടാ​തി​രി​ക്കാ​ൻ സ​ർ​വ ശ്ര​മ​ങ്ങ​ളും ന​ട​ത്തി​നോ​ക്കി കേ​ന്ദ്ര സ​ർ​ക്കാ​ർ. പ​ക്ഷേ, ഇ​നി​യും വാ​യ്പ ന​ൽ​കാ​നാ​വി​ല്ലെ​ന്ന ഉ​റ​ച്ച നി​ല​പാ​ടി​ലാ​യി​രു​ന്നു ബാ​ങ്കു​ക​ൾ. ക​ഴി​ഞ്ഞ ഡി​സം​ബ​റി​ൽ 123 വി​മാ​ന​ങ്ങ​ൾ പ​റ​പ്പി​ച്ചി​രു​ന്ന​താ​ണു ക​മ്പ​നി. ക​ഴി​ഞ്ഞ മാ​സ​ത്തോ​ടെ ഇ​രു​പ​തും പി​ന്നീ​ട് പ​തി​നൊ​ന്നു​മാ​യി കു​റ​ഞ്ഞു. ഇ​ന്ന​ലെ സ​ർ​വീ​സ് നി​ർ​ത്തു​മ്പോ​ൾ വെ​റും അ​ഞ്ചു വി​മാ​ന​ങ്ങ​ൾ മാ​ത്ര​മാ​ണു​ണ്ടാ​യി​രു​ന്ന​ത്. 

അ​ടി​യ​ന്ത​ര സ​ഹാ​യ​മി​ല്ലാ​ത്ത​തി​നാ​ൽ ഇ​ന്ധ​ന​ത്തി​നും വി​മാ​ന വാ​ട​ക​യ്ക്കും മ​റ്റു ചെ​ല​വു​ക​ൾ​ക്കും പ​ണ​മി​ല്ലെ​ന്ന് ക​മ്പ​നി അ​റി​യി​ച്ചു. ഈ ​സാ​ഹ​ച​ര്യ​ത്തി​ൽ ഉ​ട​ൻ പ്രാ​ബ​ല്യ​ത്തോ​ടെ അ​ന്താ​രാ​ഷ്ട്ര- ആ​ഭ്യ​ന്ത​ര സ​ർ​വീ​സു​ക​ൾ നി​ർ​ത്തു​ക​യാ​ണെ​ന്നും അ​വ​ർ വ്യ​ക്ത​മാ​ക്കി. ജെ​റ്റ് എ​യ​ർ​വേ​യ്സ് സ​ർ​വീ​സ് കു​റ​ച്ച​തോ​ടെ ത​ന്നെ ആ​ഭ്യ​ന്ത​ര വി​മാ​ന നി​ര​ക്ക് കു​ത്ത​നെ വ​ർ​ധി​ച്ചി​രു​ന്നു. ഇ​നി ഇ​തു വീ​ണ്ടും കൂ​ടും. വേ​ന​ല​വ​ധി​ക്കാ​ല​ത്തെ വി​മാ​ന​യാ​ത്രാ നി​ര​ക്ക് വ​ൻ​തോ​തി​ൽ കു​തി​ച്ചു​യ​രും.